Iobi 15 - Kiribati New Version Bible

Ana kauoua n taetae ni kawai Eribati.Ngkana Iai Am Iango Aika Raraoi

1Ao e taku Eribati are te I-Teman,

2E bon riai b'a e na kaeka te aomata n aki iango,

ma ni kaonna n iango aika kabuebue?

3E bon riai b'a e na kauntaeka n taeka aika akea manenaia,

ke n taeka aika akea uaaia aika raoiroi?

4Ko a karikiia aomata tabem'aang b'a a na kitana maakakin te Atua,

ao ko katokiia man tataroan te Atua.

5A ootara mamaaram n am taeka,

ma ko kataia ni karaba n am taeka n rabakau.

6E na boni kabuakakako wiim;

tiaki ngai, ao bon matan riam naba aika na bukiniko.

7Ko taku n am iango b'a boni ngkoe te moani bungiaki mai buakoia aomata?

Ke tao ko riki i m'aain karikan taiani maunga?

8Ko mena ikekei ngke E karaoi Ana babaire te Atua? Ti ngkoe ni wanawana?

9Tera te b'ai ae ko ataia ae ti aki ataia?

Ao tera ae ko mataata iai ae aki oota nanora iai?

10Ti karekei rabakaura mai rouia aomata aika iaia atuuia,

koraki ake a kamani bungiaki i m'aain tamam.

11E anganiko kabebeteam te Atua; tera bukina b'a ko totokoia?

Ti taetae i bukina n te aro ae rau, ma taian taeka?

12Ma e onrake nanom n te aro n un,

n te aro are a kan b'aka takaron matam;

13ma ngaia are ko ekaanako te Atua

ma ni kaotinakoi taeka aika buakaka nako Ina?

14E koaua b'a e kona te aomata n itiaki?

Bon iai ae kona ni kororaoi i matan te Atua?

15E bon aki onimakiniia naba Ana anera te Atua,

ao a aki itiaki naba i matana,

16ao e nang kanga riki n onimakinaki te aomata

ngkai bon te b'ai ae buakaka,

ae akiako, ae e taka i bukin te buakaka.

Kakauongo Nakon Ae I Ataia.

17Ongora ngkai, Iobi nakon baika I atai,

ao ko na reirei

18rabakau ake ataaki mairouia tabeman

n taai ake ngkoa.

19A kainaomataaki abaia mairouia i anena,

ao bon akea temanna ae roko ni kairiia nako mai roun te Atua.

20E na bon kamarakaki ni uaa matena

te aomata ae karawawataia aomata.

21A na mena i taningana taiani karongoa aika kakamaaku,

A na bane n rau aomata ao bon ti ngaia ae na aki karauaki i rouia kam'arua.

22Bon akea iangoan te kan otinako man te rotongitong i rouna,

b'a bon tokina te mate i tabon te kabaang,

23A tataninga mannikiba ake taiani ikare, b'a a na kana rab'atana.

A ataia b'a e a kaan roko te rotongitong i rouna;

24te kanganga, kanga ai aron te uea ae korakora,

are tataningaia b'a e na buakaniia.

25A riki baikai, b'a a tia ni kataia

ni katokai baiia i aon te Atua,

ma ni kataia ni kaaitaraa teuare moan te m'aaka.

26E uota otangana,

ao e biri ni buakana te Atua ma te aoburamaiu;

27b'a e kun n nuonuo,

28ma a maeka i buakon b'aai aika a uruaki

ni kawa aika a akea kaaia.

29A na bon aki bati a na b'ai,

ao e na bon aki teimaan kaub'aina.

E na bon aki nene wakaana n te aonnaba aei.

30E na bon aki kona ni biri nako man te rotongitong,

ao e na ukaki nako n ikeiken te Atua.

31Ke e tai onimakina rietaatana,

b'a e kaawa ni kam'anea i bon i rouna,

b'a e na bon okiria te kangaanga ngkana e taku i nanona b'a e rietaata.

32Ane e na rai i m'aain rokon ana tai,

ao a na aki riki baana i aon m'aangana.

33Ane e na kamrarai uaana aika raraitaai n ai aron te kureebe,

ao e na tetewenakoi ueena n ai aron te kai te oriwa.

34A na kanoabo botaki n aomata aika akea atuaia,

ao e na uruaki aia auti n rianna n te ai i rouia aomata aika babakanikawai.

35Bon aikai aomata aika iaiangoi m'akuri ni kakiriwe aika buakaka.

A onrake nanoia n taiani kewe.