2.Rongorongo Taekan te boki aei - Kiribati New Version Bible

Taekan te boki aeiTe 1 ao te 2 Rongorongo bon te boki ae tii teuana ae ananau. A bane ni kaota aroia ngkoa ana aomata te Atua mairoun Atam nakon te okirikaaki mairouia taenikai mai B'aburon n 538 i m'aain bungiakin Iesu. Ana boto ni iango te tia korea te boki aei b'a taai ma aroia a kona ni bitaki, ma te Atua e teimatoa ni memena irouia ana aomata, ao n tatauraoi n tainako ni buokiia aika kakaonimaki. E ngae ngke tao e na riai n anga tabeua rongorongon te aro n tautaeka, te ka 2 Rongorongo e kaota aron rongorongon te aro n taromauri ae riai ao aia boraraoi aomata ma te UEA. Te tia korea te boki e nang kaineta riki ana taratara nako ia taan tautaeka n abanuea ake i maiaki (Iuta) ake a nang kakaonimaki nakon te UEA ao ni kakeaa aron aia kakaitara baronga ake i meang. E katuuaki riki te iango n anganakin Toromon ao manga katean te Tembora i Ierutarem. E reitia nako te tia korea te boki n taekina rongorongoia abanuea ake a uamaaenako ao n taekina Iuta b'a e kanga n konaaki iroun B'aburon n 586 i m'aain bungiakin Iesu, ao n anaaki ana aomata b'a taenikai. Ni kabanean te boki ae Te ka 2 Rongorongo e bon kaota aron uean Botia ae Tairati ni kariaia okiia aomata nakon abaia are i Iuta.Oi n iango i aon te boki aeiToromon, ae te tia katea Tembora (1.1—9.31)

Te Aro n Tautaeka n Uea ae uamaaenako (10.1—28.27)

Tokin Tain Uamaenakon Tautaeka n Uea (29.1—36.23)