1.Timoteo Taekan te Reta aei - Kiribati New Version Bible

Taekan te Reta aeiTimoteo bon te rorobuaka n ataei ae kaain Atia ae Uarereke. Te I-Iutaia tinana ao te I-Erene tamana. E a riki ngaia b'a te tia buobuoka B'auro n ana m'akuri ni mitinare.Iai b'aai aika kakannato aika tenua i nanon te reta aei. Te moa ni b'ai, bon ana taeka B'auro ma ana iango ni kaitaraa te koaua are bati n tataekinaki ae kaangai taekana: te aonnaba aei bon te aonnaba ae buakaka; ma ngaia are ngkana e kani kamaiuaki te aomata ao iai te rabakau ae raba are e a kona n reke i rouna iai te kamaiuaki; ao tiaki ti te aeka n rabakau aei ae kainanoaki, ma iai naba taian tua aika riai n iraki nanoia, aika tuua i bukin am'arake aika riai ni kanaki, ma tuua i bukin te iein. Te kauoua, bon taeka i bukin te taromauri ma m'akuri aika riai ni karaoaki n reitaki ma te m'akuri ni mitinare, ao taeka naba i bukin aroia aika riai mataniwi ma ake a riki b'a taani buobuoki nakoia mataniwi i nanon te ekaretia. Ao te katenua ni b'ai ae kakannato n te reta aei, bon tuangan Timoteo arona are riai ni b'ainna ngkana e na riki b'a ana toro ni koaua Iesu Kristo, ao arona n reitaki ma raona ni Kristian.Aron Teini KanoanaTaeka ni Kamauri 1.1,2

Taeka i bukin te Aroaro ni Maiu i nanon te Ekaretia 1.3—3.13

Taeka nakon Timoteo i bukin Ana M'akuri 4.1—6.21