1E kanakoai te UEA b'a N na nako nakon ana bareti Uean Iuta b'a N na taetae nakon te uea, ma ana mataniwi ao aomata ni kabane ake a mena ikekei.
2E tuangai te UEA b'a N na kaangai: Bon te UEA Ngai ma ngaia ae kam na kakauongo raoi! Kam a tia ni kariaia aomata b'a a na kewe, ma ni kimoa, ao n aonikaia aine aika a tia ni mate buuia, ataei aika akea aia karo, ao iruwa aika a maiu ikai.
3A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.
4A na teimatoa n tautaekana Iuta ma te bareti aei uea man ana utu Tawita ngkana kam ongotaeka i Rou. Ane a na waaki n rin ao n otinako ngaiia ma aia mataniwi i aon aia aoti ke aia kaanibuaka.
5Ma ngkana kam aki katinanikuai, ao I berita ni bon arau b'a e na wene n uruaki te bareti aei.
6Kam na ongora nakon te b'ai ae I iangoia.
Ti te bo mimitongin
ana bareti uean Iuta ma Kireata
ke taubukin Reb'anon are te kabanea n rietaata.
Ma e na riki b'a kaanga te kaawa n anti
ae akea kanoana
ngkana I karaoa taekana.
7N na kanako ia taanga ni buaka b'a a na urubekeia,
ao a na anaaki kaina ake taian tiira aika a tamaroa
b'a taian aia.
8Ane a na ri rarikina aomatan botannaomata aika a kakaokoro ao a na titiraki ni kaangai, “E aera ngkai E karaoa aei te UEA nakon te kaawa ae e korakora ae Ierutarem?”
9Ao ane a na kaeka tabem'aang ni kaangai, “I bukina ngke a taromauriia antiia ianena aomata ma n urua aia boraraoi ma te UEA ae Atuaia are e a tia ni karaoia ngkoa ma ngaiia.”
Te Uea Are IoatiE taku te UEA:10E a mate te Uea are Iotia,
ma kam na aki tang i bukina.
Ma kam na tang i bukin natina te mm'aane
are te Uea are Ioati
are e katikitikaki nakon te kaawa teuana,
ao e aki manga oki.
11E riki b'a te uea Ieoaati i aon Iuta i mwiin maten tamana are te Uea are Ioati.
12Ma e a manga anaaki Ieoaati b'a te taenikai nako abaia ianena. Ao ngkai I berita Ngai ae te UEA b'a e na mate ikekei ao e na aki manga noora abana.
Te Uea Are IeoiakimE tuangai te UEA b'a N na kaangai:13Te Uea ae Ieoiakim, ko a reke n te kaangaanga!
Ko karaoa te bareti
ae a rangi ni buubura ruuna ake i eta.
14Ko karaoi wintoona aika a buubura
ao ni kamanenaa te kai te tiira b'a rabunan kain te winto
ao ko beeniia n te uraura.
Ma ko karaoa ae e raoiroi
ao ko kairoroia taani kateitei b'a a na m'akuri
n aki kabooaki.
15Ngkana ko kabatiaa te kai te tiira n am bareti
e bon aki konaa ni karikiko naba b'a te uea ae e raoiroi
riki nakon tamam are Iotia.
E kakaraoa te raoiroi n taai nako
e anga te motikitaeka ae eti nakon te aomata ae e kainano
ao te aomata ngaia ae e raoiroi.
16Ao bon anne raoi nanona
ae kam na ataai raoi.
Ma ngaia are, e maiu raoi
ao e teimatoa n reereke
kanana ma nimana ae e tau.
17Ma ti te b'ai ae ko rangi n iaiangoia
bon aron te kewe
ke te kabuakaka ke tiringaia
tabem'aang aika akea aia bure.
18Ieoiakim, bon akea temanna ae e na tang
ngkana ko mate.
A na bon aki rairaki n titiraki
aomata ni kaangai,
“E aera ngkai e konaa ni mate ara uea ae e kakannato?”
19Ko na taunaki n ai aron
taunakin te aati;
e na aeaeaki rab'atam
nako tinanikun mataroan te kaawa
ma n tewenakoaki i buakon te baareka.
Bon aio au taeka Ngai ae te UEA.
Te Uea Are Ieoiakin ma Kaain IerutaremE tuangai te UEA b'a N na kaangai:20Kaain Ierutarem,
a a tia ni kamanatuaaki
botannaomata nako ake ko onimakiniia.
Ko na nako Reb'anon n tang;
taang n te aba are Batian
ao i Moaba.
21I kauringko,
i nanon taai aika a raoiroi.
Ma ko katinanikuai,
n aron are ko a tia ni karaoia naba ngkoa
ngke e uarereke Iteraera.
22Ngkai ko nang kab'ainrangaki
i bukin am bure nako.
A na kamaunaaki nako am taan kairiiri
n te ang,
ao botannaomata ake ko onimakiniia
a nang kataenikaiaki
ma ni katikitikaki
nako abaia ianena.
23A na mangoo n tang ma te maraki
kaanga te aine ae e bung
akana a maeka n te bareti
ae e rabunaki wintoona n te tiira.
24Te Uea ae Ieoiakin, are natin Ieoiakim te mm'aane, e ngae ngkana ko rin i baiu b'a kaanga te m'am'a ae i baiu ae kanikinaean m'aakan te uea, ma N na bon buutiiko nako mai tabonibaiu.
25N anga ngkoe nakon te kairiribai are ko maakua, nakon te Uea are Nebukaneta ma ana taanga ni buaka, ake a tangiria n tiringko.
26Ko kaai ni bungiaki ma tinam i Iuta, ma N na karenakoingkami ni kauoman nako abaia ianena, ike kam na mate iai,
27ma n tangitangira okiran mwengami.
28Ieoiakin, ko aki tangiraki
kaanga te b'aata te kaatiibu ae e a uruaki.
Ma ngaia are, kam na tewenakoaki
ngkoe ma natim
nakon te aba ae
ko tuai man ongongo ma ngkoa.
29Aban Iuta, bon te UEA Ngai.
Kakauongo ngkai nakon te b'ai ae I taekinna!
30Kamaunaa araia
natin nako Ieoiakin
man te utu n uea.
E a aki tau,
ao akea naba temanna
ae e na manga uea.
Bon aio au taeka Ngai te UEA.
Who We AreWhat We EelieveWhat We Do
2025 by iamachristian.org,Inc All rights reserved.
