1Ao e kairai te mm'aane arei rikaaki nakon te Tembora, ike I noora iai te raanga n ran ae e raanga i aan te kawai n rin. E moana raangana man iteran te Tembora are mai maiaki, ike e raanga mai iai ri rarikin te baonikarea ni waaki nako ni waerake i nanon te katawanang.
2Ti nakonako i nanon te tabo are e mena iai te Tembora i nanon te mataroa are meaang ao ti katobibia te mataroa are i mainiku. Ao I noora te raanga n ran ae e uarereke ae raanga ni waerake man iteran te mataroa are maiaki.
3Ao e nakonako te m'aane arei ni waerake, ao i mwiina, e buuta ana kainibaaire ao e anaa ab'akin te raanga n ran are 500 te miita ab'akina n raanga rikaaki. E tuangai b'a N na nakonako i nanon te raanga n ran ikekei, ao e roko iabutin te ran i nimoimoin waeu.
4Ao i mwiina, e a manga anaa anaanaun te raanga n ran are e raanga rikaaki arei, ao e tuangai b'a N na nakonako i nanona ikekei. Ao e roko iabutin te ran i bubuan waeu. E a manga katika riki te 500 ni miita riki n ira rikaaki te raanga n ran ao e roko iabutin te ran i beebeeu.
5E manga katika riki 500 te miita n ira rikaaki te raanga n ran, ao e a roko te raanga n ran n te karaanga ae e konaa te aomata n ri nanona n uaua.
6E taku te m'aane arei, “Etekiera ae natin te aomata, ko na iangoa raoi te b'ai ae ko a tia n nooria.”
Ao ti nakonako nakon mataniwiin te karaanga,
7ike I a noori taian aroka aika a m'aiti n iteran te karaanga ake uoua.
8E taku te m'aane arei:
E raanga te ran aei ni waerake nakon te karaanga are Ioretan ao e tii nako n Taari are Mate, ike e a manga onika iai ranna ae e taari nakon te ran ae e raoiroi.
9A na m'aiti aekakin maan ma ika, i bukina b'a e na uota te maiu ao te ran ae e raoiroi nakon Taari are Mate.
10A na akawa aomata i taari ao a na taakin aia karaun i mataniwiin taari ni moa mai Enkeri ni karokoa En Ekeraim. A na rangi ni m'aiti aekakin taian ika n Taari are Mate
11Ma a na tiku n taari taabo aika aom'aim'ai i mataniwiin taari, b'a a aonga ni kamanenaaki irouia b'a aia tabo n anai taoro.
12A na maiu taian kai n am'arake i mataniwiin te karaanga aei ao a na katiinakoi taiani uaa aika a raraoi ni katoa nam'akaina. A na aki rai baana, i bukina b'a e tebotebokaki n taai nako n ranin te raanga n ran are e raanga man te Tembora, ao e na kamanenaaki i bukin kamaiuaia aomata.
Tian Te Aba13E taku te UEA ae te Atua: Ko na tuangiia Iteraera:
E na anganaki te baronga are Ioteb'a uoua tib'ana ngkana e tib'aaki te aba nakoia barongan nako Iteraera.
14Ko na tib'aa raoi te aba, i bukina b'a I berita ngkoa nakoia ami bakatibu b'a n te bong teuana ao e na riki te aba aei b'a aia b'ai aia kariki. Aikai tian te aba.
15E na moa tian meaang man Taari are te Mereterenian, ni waerake nako Eteron, nako Rebo Amata, ni manga ri aona nako Tetata,
16Berota, ao Tiberaim, are bon te tia i marenan taian tautaeka aika uoua aika Tamateko ao Amata. E na toki te tia i Atera Atikon, are bon tian Auran.
17Ma ngaia are, e na biri te tia i marenan Taari are te Mereterenian ao Atara Enon, are bon Tamateko ma Amata.
18E na moanaki tian mainiku man tian tautaeka ake uoua are te tautaeka n Auran ao Tamateko. E na biri nakoaiaki n ira te Karaanga are te Ioretan, are e biri i marenan aaba aika Kireata ao Iteraera, ao e na toki n Taari are Mate are i rarikin te kaawa are Tama.
19E na moanaki tian maiaki mai Tama, ao i mwiina, e a manga biri nakoaiaki ni wairio nakon te koburake n ran are i rarikin Meribota-Kateti. Ao e na waaki nako n ira nako tabwenan b'aan Aikubita ao e na toki n Taari are te Mereterenian.
20E na biri tian maeao i mataniwiin Taari are Mereterenian nakon te tabokeekee raoi are i maeaon Rebo Amata.
21Ao anne te aba are e na tib'aaki nakoia barongan nako Iteraera.
22E na riai ni b'ainaki irouia Iteraera ao ianena aika a maeka i buakoia ake a bungiaki natiia i Iteraera. A riai n aranaki ianena aikai b'a bon Iteraera, ao e na reke naba
23tib'aia n te aba nakon te baronga are a maeka iai. Bon aei Au taeka Ngai ae te UEA ae te Atua.
Who We AreWhat We EelieveWhat We Do
2025 by iamachristian.org,Inc All rights reserved.
