1Te kabanea n tamaroa n aine,
tuangiira b'a e nakea teuarei.
Kariaia b'a ti na buokiko ni kakaaea.
E taku Neierei:2E a tia n nako raou ae e tangiraki
nakon ana nnenaroka ni b'ai ni kaboiarara,
ike e na kaam'arakeia iai ana tiibu
man rikoi taian kiebu.
3Bon ana b'ai ngai, ao au b'ai ngaia,
ngke e tabe ni kaam'arakeia ana tiibu
i buakon taian kiebu.
E taku Teuarei:4Raou ae ko rangi n tangiraki,
a aki tamaroa riki nakoim kaawa aika
Tireta ao Ierutarem.
A m'aaka riki am tabunea nakon
taiani itoi ni kabane
ake i karawa.
5Katan nakoi matam
b'a I a rannako iai.
A tiotio iran atuum
kaanga kakateken te kooti
ae e nakomai mai Kireata.
6A mainaina riki wiim
nakon te tiibu ae e a tib'a tia n tebokaki;
a tab'anin raoi
akea teuana ae e waraa.
7A raba i aan rabunan matam
tabam aika tamaroan taian rooti.
8Tera ngke I konaa ni karekeia
onongaun ueanaine, waningaun buu,
ao tengaa riki aine tabem'aang!
9Bon ti ngkoe au rinerine,
au taobe ae akea waewaeam,
te nati ae e mamate
nanon tinana i rouna.
A taekina kim'areireim
ateiaine, ueanaine ao tabem'aang riki
ngkana a anenea neboam:
10“Ko karineaki kaanga
tanimainikun karawa n te ingabong
ko mimitong kaanga nam'akaina
are e katekei matara kaanga taai!
A m'aaka riki am tabunea
nakon taian itoi ni kabane aika i eta.”E taku Neierei:
11I ruorikaaki n nooria
b'a a uee kaai aika akota,
taiani kureebe, ao kai n am'arake.
12N au iango
I karina n toka
i aon te kaanibuaka ae e mimitong. A taku Raoraona:
13M'aie! M'aie!
Te botonaine mai Turam,
ti na noora m'aieem!
E taku Neierei:E aera ngkai kam kan noora
ainen Turam aei
ngkana e ruoia ma tem'angina?
Who We AreWhat We EelieveWhat We Do
2025 by iamachristian.org,Inc All rights reserved.
