Etita Taekan te boki aei - Kiribati New Version Bible

Taekan te boki aeiE riki rongorongon te boki ae Etita man te kaawa are Tuta i aon Botia, n te bareti n tain te kam'aitoro. Ngke e a tia n raure te uea are Atatokititi ma ana ueanaine, ao e a manga rinea te ateiaine ae te I-Iutaia are arana Nei Etita b'a ana ueanaine ae e boou. Bon te ateiaine ae akea tamana, ma e tabekaki ma ni kaikawaaki iroun tarin tamana are Morotekai, are e a manga anganaki ana m'akuri ae mataniwiin te bareti. E kauringaki iroun Morotekai b'a e na aki tuutuanga temanna ae te I-Iutaia ngaia, ao e ongotaeka neierei.Iai mataniwiin te bareti ae taatangiraki iroun te uea ae arana Aman. E rangi n riiribaia I-Iutaia, ao e kam'aningaa te uea b'a e na anganna te kariaia b'a e na tiringiia I-Iutaia ni kabane. Nikiran kanoan te boki e taekinaki iai aron Nei Etita n anga maiuna i bukin maiuia ana botannaomata.I mwiina riki, ao a korea te reta Morotekai ma Nei Etita ae te reta nakoia I-Iutaia ni kabane b'a a na bukamarua te toa are te Burim ni katoa ririki b'a kanuringaan kamaiuaia aia botannaomata.Te boki ae Etita bon akea iai aran te Atua, ma taraan te karaki ae e b'anin iai e kaotaki b'a e kaawakiniia ana Aomata ni karaoa te ueanaine are Nei Etita, n aron are e taekinna Morotekai:Antai ae e ataia, ao tao ko boni karikaki b'a te ueanaine i bukin te tai aei.(4.14b)Oi n iango i aon te boki aei1. Rikin Nei Etita b'a te ueanaine 1.1—2.23

2. Ana iango Aman ni Kani Kamaunaiia I-Iutaia 3.1-15

3. Butian Nei Etita iroun Morotekai ana buobuoki 4.1-17

4. Karinean Morotekai ao tiaki tiringakina 5.1—6.14

5. Tiringakin Aman 7.1-10

6. Aron teia bon i bukiia I-Iutaia ao tiringakiia aia kairiribai 8.1—9.19

7. Te Toa are Burim 9.20-23

8. Kakannaton Atatokititi ao Morotekai 10.1-3