Otea 5 - Kiribati New Version Bible

A Na Motikaki Taekaia Iteraera Ao IutaE taku te UEA:

1Ongora, ngkami aika ibonga!

Kakauongo raoi, Iteraera!

Ongora, ngkami aika kaain

te utu n uea.

Bon tabemi karaoan te motikitaeka ae eti.

Ma kam kam'aneia aomata

i Mitib'a ao te Maunga are Tabora.

2Bon taian rua aika a tiritiri ngkami

n taabo n taromauri,

N na katuaaingkami.

3Iteraera, I atai rongorongomi ni kabane,

ao I kuneingkami b'a kam a aki tau,

i bukin ami aki kakaonimaki.

4Ami m'akuri aika a buakaka boni ngaai bukin

aki okimi nako iu

Ngai ae te UEA ae te Atua.

Kam aki kona n ataai

i bukin teimatoan tangiran te wene ni bure iroumi.

5Iteraera, e kakoauaa ami bure

ami kainikatonga;

e bon karekei waemi,

ao a reke naba waen Iuta.

6Kam anga te tiibu ma te kao

b'a taiani karea nako iu,

ma I a tia n tannako

ma N na rawa ni kaotai.

7Kam a tia n aki kakaonimaki

nako iu, Ngai ae ami UEA;

a tia n reke natimi irouia

taiani kabekaau.

Ma ngaia are, ko na urubekeaki

ngkoe ma arokam

n tain te Toa ae Moan Otin Nam'akaina.Kauringan Iteraera Ma Iuta Iroun Te UEA

8A anga te kauring n te bu!

Ke ongo te aba i Kibea,

Ram'a, ao Betaera are e korakora te bure iai.

Beniamin, tarataraiko!

9N na katuaaea ma ni kamaunaa Iteraera

Ngai ae te UEA.

Bon aei Au berita are e matoa

nakoia barongan Iteraera.

10Ti te bo ngkami aika taani kairiiri i Iuta ma aomata aika buure ma buakaka

aika a kam'aing tian aaba;

ao bon anne bukina ngkai N na kaiekaiia

n unu.

11E korakora manatuan Iteraera.

E bon reke nakoia te b'ai ae a tangiria ma

i mwiin taromaurian taian bouananti aika akea manenaia.

12N te tai aei, N na kaona Iteraera

Ngai ae te UEA n taiani koa

ma ni kamkaa Iuta.

13Ngkana a noora aorakiia ma manekaiia

Iteraera ma Iuta,

ane e na kakaaea buokana Iteraera mairoun Aturia

ma ueana aika a korakora,

Ma a na aki konaa taian uea ni kamaiuia

ke ni kamao manekaiia.

14Ma ngaia are, N na riki b'a te raian ae e tiritiri

ni buakana Iteraera ao Iuta.

N na buribaiia ma n uota nako

te b'ai ae I tangiria,

ao bon akea temanna ae e konaa ni katokai.

15Ao i mwiina, N na rairaki nakon Au tembora

ni karokoa a kaota aia kaairua

ma n taromauriai,

ni karokoa a korakai nanoia

ma ni buubuti buokaia.