Te Minita Taekan te boki aei - Kiribati New Version Bible

Taekan te boki aeiTe boki aei bon te kakaae i bukin taekan te maiu. Tera te b'ai ae e konaa ni karaoia te aomata i bukin karekean raun nanona ao kukureina? Tera bonganan te maiu? E moanaki te kakaae i bukin aei man te taratara ae e aki rangi n oota-e kabotu te maiu, ao kaanga ai aron te iango ae akea nanona b'a boni kakiokioan te ang.Te boki ae Te Minita, e taraa te maiu man iterana aika a kakaokoro, b'a e aonga n nooraki nanona ma te kaantaninga i bukin te maiu. E iangoia te boki aei b'a e aki konaa te aomata ni kunea nanon te maiu, ao e rangi ni uarereke te maiu, ao e aki booraoi arona nako. E taraa ni kab'aranano, ma e katereaki naba i nanon te boki aei, b'a iai b'aai tabeua n te maiu aika a raoiroi riki nakon ake tabeua. N aron te katoto teuana, e raoiroi riki te wanawana nakon te nanobaba. Ao te Atua e kaantaningaia b'a a na kukurei aomata ni butim'aai ana B'aintituaraoi aika te m'akuri, te am'arake, te mooi, te iraorao, ao te mare. Ao ae e rangi ni kakaawaki riki i aoni b'aai ni kabane:Karinea Te Atua ao Ongotaeka Irouna!Bon aei raoi bukinte maiu aei.Te Atua e na motikitaekanb'aai nako aika ti karaoi,e ngae ngkana a karaoaki ni karabaaki,ke tao a raoiroi ke a buakaka.(12.13,14)Oi n iango i aon te boki aei1. Ukoukoran Nanon te Maiu (1.1—2.26)

2. Bon Iai Tain B'aai Ni Kabane (3.1-8)

3. E Aki Konaa N Ti Te Arona Aron Te Maiu, Ma ngaia are Maiuakina Te Wanawana (3.9—6.12)

4. Akea Ae E Konaa N Atai Kanoan Boong Aika A Na Roko (9.1—11.6)

5. Karinea Te Atua ao Ongotaeka Irouna (11.17—12.14)