Mataio 5 - Kiribati New Version Bible

Te Kab'arab'ara i aon te Maunga

1Ngke E noriia aomata aika rangi ni m'aiti Iesu, ao E ararake n te maunga, ao E tekateka, ao a nako Ina ana reirei;

2ao E moanna n reireiia, ni kangai:

Taeka ni Kakab'aia(Ruka 6.20-23)

3A a kab'aia akana nanorinano,

b'a aia b'ai Uean te Atua.

4A a kab'aia akana nanokawaki,

b'a a na kabebeteaki nanoia.

5A a kab'aia akana a nimamamanei

b'a a na abana te aba.

6A a kab'aia akana b'aruua te raoiroi

mani kani mooi iai b'a a na ngae.

7A a kab'aia akana nanoanga,

b'a a na nanoangaaki.

8A a kab'aia akana itiaki nanoia,

b'a a na nora te Atua!

9A a kab'aia taan raoi,

b'a a na atongaki b'a natin te Atua.

10 ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

23Ma ngaia aei, ngkana ko nang anga am karea nakon te Atua n te baonikarea, ao ngkana ko uringa tarim iai b'a e un i roum i bukin te b'ai ae ko a tia ni karaoia,

24ao ko na kitana am karea iai i rarikin te baonikarea ao naako; karekea moa te raoi ma tarim, ao rimwi ko na oki n anga am karea.

25Ko na bareiko n raoiakina te aomata are na uota taekam nakon te kabowi n te tai are ko mena iai ma ngaia i aoni kawaimi nakon te kabowi, b'a e kawa n anga ngkoe nakon te tia motikitaeka, ao e kawa te tia motikitaeka n anga ngkoe nakon te bureitiman, ao ko kawa ni kakiaki i nanon te karabuuti.

26E koaua ae I a tuangko b'a ko na aki kona n oti nako maiai ni karokoa ko a tia ni kab'aka ni kabane te m'ane are motikaki b'a tuaam.

Te Reirei i bukin Taekan te Wene ni Bure

27“Kam ongo b'a e atongaki ae kangai, ‘Ko na tai wene ni bure’

28Ao Ngai I taku nako imi b'a ane tarataraa te aine n iango i nanona b'a e na wene ni botaki ma ngaia, ao e a tia ni wene ni bure ma ngaia i nanona.

29Mataio 18.9; Mareko 9.47 Ao ngkana e kairiko matam ane mai ataim nakon te bure, ao ko na autia, ao tewea nako mai roum; b'a e raoiroi riki ngkana akea b'ain rab'atam teuana nakon ae e teweaki nako rab'atam ni kabaneaki nako moone.

30Mataio 18.8; Mareko 9.43 Ao ngkana e kairiko baim ane ataim nakoni karaoan te bure, ao ko na koreia ni kaaki ao tewea nako; b'a e raoiroi riki ngkana akea b'ain rab'atam teuana nakon ae bane n nako rab'atam nako moone.

Te Reirei i bukin Taekan te Raure n te Iein(Mataio 19.9; Mareko 10.11-12; Ruka 16.18)

31 Mataio 19.7; Mareko 10.4 “E atongaki naba ae kangai, ‘Te mm'aane ane kanakoa buuna, ao ke e anganna te beb'a ni buu raure.’

32Mataio 19.9; Mareko 10.11,12; Ruka 16.18; 1 I-Kori 7.10,11 Ma Ngai I taku nako imi, b'a ane kaki buuna, ngkana e tuai ni wene ni bure, ao e a karika neierei b'a te tia wene ni bure ngkana e a manga iein; ao te mm'aane are iein ma neiere kakiaki, ao e wene ni bure naba.

Te Reirei i bukin Taekan te Taeka ni Bau

33“Kam ongo naba b'a e atongaki nakoia ami bakatibu, ‘Tai urua am taeka ni bau, ma ko na karaoi b'aai ake ko taetae ni bau iai nakon te Uea b'a ko na karaoi.’

34Iakobo 5.12; Mataio 23.22Ma Ngai I taku nako imi, Tai tuea naba teutana. Tai m'anewea arani karawa ngkana ko tuea, b'a nnen te Atua ae tautaeka iai;

35ao tai m'anewea aran aonnaba, b'a nneni katokaani waena; ke aran Ierutarem b'a ana kawa te Uea are kakannato.

36Ao tai tuea n atuum, b'a ko aki kona ni kamainaina ke ni karorooa te irannatu teaina.

37Ma are kam na taekinna, e na ti kangai, ‘Eng’ ke ‘Tiaki,’ ma ngkana a raka am taeka i aon aikai ao a nako mairoun teuare buakaka.

Taeka n Reirei i bukin te Kareke-Kai(Ruka 6.29-30)

38Kam ongo b'a e atongaki ae kangai, “Te mata boona te mata, ao te wii boona te wii.”

39ao Ngai I taku nako imi, Tai karaoa te b'ai ae buakaka nakon te aomata are karaoa ae bure nako im b'a booni mwin are e a tia ni karaoia; ma ane booa tabam ane mai ataim, ao raira tabam ane mai maingim b'a e na booia naba;

40ao ngkana iai ane kani kateiko i matan te tia moti b'a ko aonga n anganna am kabaraki, ao ko na manga anganna naba niniram.

41Ao ane kairoroko b'a ko na iria teuana te maire, ao ko na airi ma ngaia uoua.

42Ane butiko, ao ko na anganna; ao ane kan tangoa am b'ai, ao tai rawa.

Te Tangira i bukiia Kairiribai(Ruka 6.27-28,32-36)

43“Kam ongo b'a e atongaki ae kangai, ‘Ko na tangiriia raoraom, ao riba am kairiribai.’

44Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

45b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

46B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

47Ao ngkana kam kamauriia ti kaain te Aro, tao a raka riki aromi iai nakoia aomata nako? Tiaki a karaoa naba aei te koraki ake a tuai n onimakina te Atua?

48Ma ngaia ae kam na moanibaan te raoiroi, n ai aron Tamami are i karawa ngkai moanibaan te raoiroi.