1.Ioane Taekan te Reta Aei - Kiribati New Version Bible

Taekan te Reta AeiIai baika uoua aika oin te kaantaninga ni korean te reta aei, b'a teuana: a kauungaki nanoia ake e koreaki te reta aei i bukiia b'a a na maiu n i raorao ma te Atua ao Natina are Iesu Kristo; ao te kauoua: a na tarataraia b'a a na aki iraraang n taeka n reirei ni kewe b'a e kawa n uruaki iai aroia n reitaki ma te Atua ao Natina are Iesu Kristo. A taku taan reirei aikai n aia koaua teuana, b'a aongkoa e reke te bure mani mwin te reitaki ma te aonnaba aei; ao a taku naba b'a Iesu E aki kona n riki b'a te aomata ni koaua. A taku naba b'a te kamaiuaki bon te kainaomataaki mani baika katabeaiangaaki iai nanom, aika b'ain te maiu aei; ao a taku naba b'a akea reitakin te kamaiuaki ma aroaro aika raraoi, ao te maiu n i tangitangiri.E a kaitarai koaua aikai te tia korea te reta aei, ao e taekinna b'a Iesu Kristo bon te aomata naba Ngaia; ao e karawawata te koaua ae kangai: aomata aika onimakina Iesu ma n tangira te Atua a riai naba ni b'aina te tangira nakon temanna ma temanna.Oi n iango i aon te boki aeiTe Taeka ae e Reke te Maiu iai 1.1-4

Te Oota ao te Roo 1.5—2.29

Natin te Atua ao Natin Teuare Buakaka3.1-24

Te Koaua ao te Kaairua 4.1-6

Nakoan te Tangira 4.7-21

Te Tokanikai i aon te Aonnaba 5.1-21