1Ngke e uea natin Tawita i aon Ierutarem, ae e ataaki b'a e rangi ni wanawana, ao e taku:
2Akea nanoni b'aai nako!
A bane n akea nanoia.
I a tia n noori ni kabane
akea nanoni b'aai nako!
3Tera ae ti na kaotia ikekei
ni mwiin ara m'akuri korakora
i aon te aba aei?
4A roko aomata ao a nako,
ma e bon aki bitaki
te aonnaba.
5E oti taai
ao e bung taai,
ao e kawaekoaa nako
ike e oti mai iai.
6E uki te ang nakoaiaki,
e uki te ang nakoiang;
ao e bibitaki unna
ao e teimatoa n arona anne.
7A raanga karaanga nako taari,
ma e tuai man taonako.
A manga raanga naba,
ma a na bon roko naba ni nneia.
8A kabotu kanoan te maiu ni kabane
a ri aon ae e konaa n taekinaki.
A aki konaa n rauaki
matara ma taningara
ni b'aai aika ti noori ma n ongo.
9B'aai ni kabane aika a riki
a bon tia n riki naba mai m'aaina;
akea te b'ai ae e boou,
akea i aan taai.
10E na taetae temanna ni kaangai,
“Aio te b'ai ae e boou!”
Ma e a kaman riki naba anne ngkoa,
n te tai ae e rangi ni maan i m'aain bungiakira.
11Bon akea temanna ae e maiu ngkoa
ae e teimatoa ururingana,
ao ti te arona naba ma aika a na manga bungiaki
akea temanna ae na ururingaki i buakoia.
Akea Nanon Te Wanawana12I taekin baikai ngke I maeka i Ierutarem b'a uean Iteraera.
13Ni kabanean wanawanau, ao I kataia ni kakaaei nanon b'aai aika a riki n te aonnaba aei. Ao te Atua e a tia ni kamatoatoaa nakoira karaoan aei.
14I a tia n noori b'aai ni kabane, ao akea nanoni iango ni kabane b'a kaanga ti kaean te ang.
15Ngkana e b'aoua te b'ai teuana,
e bon aki konaa ni manga kaetaki;
ngkana akea rab'atan te b'ai teuana,
ao e bon aki konaa ni warekaki.
16I taku nako iu “Bon ngkoe te kabanea ni wanawana nakoia aika a tia ni maeka i aon Ierutarem. E korakora nanom ni kan atai b'aai nako, ao ko a tia ni karekea am atatai ae e rangi ni m'aiti.”
17Ao i mwiina, I a iangoia b'a N na kakaaea taekan te wanawana ma te nanobaba. Ao i mwiina, I a kunea b'a ngaia bon iango aika akea nanoia aika kaanga kakiokioan te ang.
18M'aitin rabakaum
boni m'aitin marakim;
m'aitin am ataib'ai,
boni m'aitin korakaim.
Who We AreWhat We EelieveWhat We Do
2025 by iamachristian.org,Inc All rights reserved.
