1Ao e a toki te buaka n te bong arei, ao a anenea te anene aei Nei Tebora ma B'araka:
2Ti neboiko, te UEA.
A anga nanoia ana tautia,
a tauraoi ni iriko.
3Kam na ongora uea ma taan tautaeka,
ngkai I tabe n anene i bukin te UEA,
ae Atuan Iteraera.
4Ara UEA, Atuan Iteraera,
Ngkana Ko roko mai Teira,
ike a maeka iai kaain Etom,
5e b'aro te karau mai karawa
e ruru te aonnaba,
ao a m'aeiei maunga.
6I nanon ana tai Tiamka
are natin Anata te m'aane,
ao ngkai naba i nanon ana tai Nei Iaera,
a rangi ni kamaamate taian kawai
nakoia taiani kaa ake a katikitikaki irouia maan.
Ao a na riai taani m'ananga
n toua te kawai are ribuki,
7a aki kona ni m'akuri kaain te kaawa
n aia katawanang.
Ao i mwiina, e a waaki Nei Tebora,
ni kaawakina Iteraera
n aron te tina
ni kaawakiniia natina.
8A taromauriia
atua riki tabeman Iteraera,
ao a rina ni buakanaki
mataroan aia kaawa nako
Ma bon akea aia otanga
ke aia kainiwai ni buaka.
9I neboiko, te UEA,
ao I rangi ni kaitau
i bukiia taani kairiiri ao tautia aikai
aika a anga nanoia.
10Ongora aomata ni kabane,
ngkana tao kam tabe ni m'ananga i aon ami aati
i aon kaintekatekan aon ami aati
ke tao kam nakonako.
11Ao ngkami naba aika taani uouoti taian ran
a na tuangko taiani man aika kawakawa ni kaangai,
“E a tia te UEA n reke i rouna taian tokanikai,
ao ai aroia naba Iteraera.”
Ao i mwiina, a m'aati ana aomata te UEA
rikaaki nakoni mataroan te kaawa
12ao a taku, “Nei Tebora, ti a nako.
Ti na anene ngkana ti m'aati
B'araka, ko na kataenikaiia ara kairiribai.”
13A manga ikotaki ma aia tia kairiiri
ana Aomata te UEA ake a tiku
ao a buaka i buku.
14A roko taanga ni buaka mai Eberaim
n te tabo ike a maeka iai ngkoa kaain Amareka.
Ao a roko tabeman man Beniamin;
a roko
taian aobitia ma taani kairiiri
mai Makira ao Teburun
15A roko mairoun Nei Tebora
taan tautaeka ake man Itaakara,
ao e iria B'araka
nakon te m'arua.
Ma bon akea buokan ana baronga Reuben iai.
16Reuben, e aera ngkai ko tiku
i buakon ooia am tiibu?
17A tiku kaain Kireata
ni iteran te Karaanga are te Ioretan.
E aera kaain te baronga are Taan
ngkai a tiku i aon aia kaibuke
ao kaain te baronga are Atera
a tiku i mataniwiin taari
i rarikin taiani matabaiawa?
18Ma a tatauraoi n anga maiuia
tautian Teburun
ao Nabetari
ni buakaniia aia kairiribai.
19A buakaniira uean Kanaan
i Taanaka i mataniwiin te karaanga
i rarikin Mekito
ma a aki kona ni iraei
ara tirewa.
20A buakana Titera taian itoi
ni kawaia are i karawa,
21ao a uotaki nako ana tautia
iroun te Karaanga are Kition are mangkoangkoa.
N na m'aati ma te ninikoria.
22A birinako ana aoti Titera,
a rebwe kaanga te baa waeia
ma ni keerikaaki.
23Ao E taku Ana anera te UEA,
“Ko na karokoa te maraia i aon te Kaawa are Meroti
a rawa kaaina
ni buoka te UEA ni buakaniia
Ana kairiribai aika korakora.”
24Ma kam na neboa Nei Iaera,
are buun Ebera
are kaain te kaainga are Ken.
Karakaa riki neboana
nakoia aine nako
aika maeka n autinrianna.
Eng, karakaa riki neboana
nakoia aine nako.
25E bubuti Titera te ran,
ma e anga Nei Iaera te miriki
ae kangkang i nanon te m'angko ae tamaroa.
26Ao e anaa beken te autinrianna
ao e taua te aama
ni baina te angaatai.
Ao e raanga kain atuuna
n raeuaaka tab'anouna.
27Ao e b'aka Titera i aon bubuan waena
ao e b'aka ni mate i waen neierei.
28Ao e tarataranako tinan Titera
man ana winto.
Ao e titiraki,
“E aera ngkai e a rangi n iremwe?
E aera ngkai ti tuai man ongo tangin
ana kaanibuaka n okirikaaki?”
29Ao a bane n anga te kaeka ae ti teuana
ngaia ma ana aine ake a rangi ni wanawana.
30“A kunea te b'ai ae kakaawaki
Titera ma ana taanga ni buaka
are a na uotia rikaaki
tao te aine aika uoman
i aon temanna te m'aane,
ma taiani kunnikai aika rangi n tikiraoi
are a na kunnikaia iai aine aikai.”
31Ti tataro nakoim, ara UEA
b'a a na mate ara kairiribai ni kabane
n ai aron Titera
Ma Ko na karaneaneaia ni kabane
n aron taai
ngkana e a tib'a ingabong
akana tangiriko.
Kimoakin B'aai Ni Kabane Mairouia Iteraera Irouia kaain MiiriaAo e tiku n rau Iteraera i nanon 40 te ririki.
Who We AreWhat We EelieveWhat We Do
2025 by iamachristian.org,Inc All rights reserved.
