1E taku Toob'a mai Naama
2“E koaua b'a akea ae na kaekai titiraki n nanobaba aikai ni kabane?
E koaua b'a e kaeta te aomata te kab'araria?
3Iobi, Ko taku b'a ti aki kona ni kaekako?
B'a am taetae ni b'ainingare, ti na aki kona ni kakarongoa ao ni kaekako iai?
4Ko taku b'a a koaua b'aai ake ko taekin,
ao ko itiaki i matan te Atua?
5Tera ngke E kaekai am taeka te Atua!
6E na tuangko b'a a m'aiti iteran nako te rabakau,
ao iai b'aai aika rangi n nano nakon wanawanan te aomata.
E kauarerekea tuaam te Atua, ngke e bon riai ni korakora.
7Ko kona ni kunea tian
ma tokin korakoran, ao m'aakan te Atua?
8E ataa tokin karawa te Atua,
ma ko aki kona n rootia.
E ataa abaia maate,
ma ko aki ataia ngkoe.
9E buubura riki korakoran te Atua nakon te aonnaba,
ao e raababa riki nakon marawa.
10Ngkana E katikiko te Atua ma ni kateiko n te bowi,
ao antai ae na tuukia?
11E ataia aomata aika akea manenaia te Atua,
E noori aia m'akuri ni kabane aika buakaka.
12A na rikirake ni wanawana aomata aika nanobaba
ngkana a bungiaki bunin aati aika katam'anti.
Anga Nanom Nakon te Atua13Bita nanom Iobi ao nakon te Atua n tataro.
14Kanakoa te bure ma te buakaka man am auti.
15Ao manga katokamatam ma te nanomatoa ao te ninikoria.
16Ao a na bane ni mauna nako taian kangaanga man am iango,
n ai aron taian ieka aika tia n nako ao a m'anuokinaki.
17E na oota riki maium nakon ootan te tawanou,
ao a na oota kaanga te kaarangaina aoan maium ake a rangi n rotongitong.
18Ko na maiu ma te rau, ao e na reke am iango.
E na kaawakiniko te Atua, ao E na anganiko te motirawa.
19Ko na aki maakuia am kairiribai;
a na m'aiti aomata aika na bubuti buokaia mairoum.
20Ma a na taratara nako aomata aika buakaka ni kakaea buokaia,
ao a na kunea b'a bon akea te kawai are a na biri nako iai.
Ti teuana aia kantaninga b'a kakantaningaan te mate.
Who We AreWhat We EelieveWhat We Do
2025 by iamachristian.org,Inc All rights reserved.
