1E taetae Teuare M'aaka, ae te Atua ae te UEA;
E weteia aomata nako i aonnaba mai tabona nako tabona.
2E oota nako mimitongina mai Tion,
are moanibaan te tamaroa.
3E nangi roko Atuara, ao E na aki kainab'aabu;
E ri moana te ai ae ura m'aaka,
Ao E otab'aniniaki rarikina n te ang ae matoatoa karena.
4E wetea karawa ma aonnaba b'a taani
kakoaua norana ni motiki taekaia ana Aomata.
5E kangai, “Kam na botiia au aomata aika kakaonimaki nako iu,
ake a karaoa aia boraraoi ma Ngai n aia angakarea.”
6A kaotiota raoiroin te Atua taiani karawa:
B'a bon te tia motiki-taeka Ngaia.
7Au botannaomata, kam na ongora,
b'a N na taetae ni kaoti ami bure,
ngkami aika Iteraera:
Bon te Atua Ngai ae Atuami.
8I aki boaingkami i bukin ami karea
ma ami karea ni kabuokaki ake a aki toki ni mena i matau.
9I aki kainanoa ami kao-m'aane
ke ami koti-m'aane mani neia ami man;
10B'a bon au man manin nako te buakonikai,
ma maan aika manana aika mena i aoni maunga aika tengaa.
11I ataiia mannikiba ni kabaneia
aika i aoni maunga;
Ao au b'ai maan ni kabane
aika manin aon te aba.
12Ngkana tao I baki,
ao N na aki tuangko;
B'a bon au b'ai aonnaba
ma kanoana ni kabane.
13I kang irikoia kaom'aane?
Ke I nim raraaia kooti?
14E na riki ami katituaraoi b'a ami karea nakon te Atua,
Ao kam na kakoro bukin ami taeka ni bau nakon Teuare Moan te Rietaata.
15Kam na weteai n tain te kaangaanga;
N na kamaiungkami,
ao kam na neboai.
16Ma E kaangai te Atua nakon ane buakaka,
Tera am b'ai ngkai ko taekin au tua?
Tera am b'ai ngkai ko maroroakina taekan au boraraoi?
17Ko rawa ni kaetan arom,
Ao ko ribaai au tua.
18Ko riki b'a raoia taan iraa akana ko kaitibo ma ngaiia;
Ao ko reitiko ma taani wenenibure.
19“Ti te kan taekina te b'ai ae buakaka wiim,
Ao e tatauraoi newem n atonga te kewe.
20Ko tauraoi n tataetae ni bukiniia am utu b'a a bure,
Ao ni kabuakakaia.
21Ko a tia ni karaoi baikai, ao akea au taeka iai;
Ko taku n am iango b'a ti te bo arou ma arom.
Ma N na boaiko,
ao N na kaotia raoi i matam bukinam irou.
22Ngkami akana kam m'am'anuoka taekau,
Kam na ongora n aio b'a I kaawa n raebitingkami,
ao akea ae na kamaiungkami:
23Ane kareana te katituaraoi ao e karineai,
Ao N na kamaiua ane ongeaba nako iu.
Who We AreWhat We EelieveWhat We Do
2025 by iamachristian.org,Inc All rights reserved.
