1 ao taraia b'a e na rianako naba aromi n te m'akuri n akoi aei.
8Ae I taekinna bon tiaki te tua, ma I taekinna b'a e na kakoauaki n aroia tem'angina ae korakora ni kan i buobuoki, b'a ngaia bon iai naba koauan ami tangira.
9B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.
10Ao I kaota nanou n te baei: b'a e bon riai aei i roumi, ngkai kam aki ti tabeka moani karaoana, ma kam a kamani kani karaoia naba man te ririki are nako.
11Ma ngaia ae kam na katia karaoana; b'a ngkai bon iai nanomi ae korakora ni kani karaoia, ao e na boni katiaaki ni baika iai i roumi.
12B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.
13I aki nanonna n ae a na kabebeteaki aomata tem'angina ao ngkami kam na karawawataki; ma a na boraoi aromi;
14b'a ngkai a bati ami b'ai n te tai aei, ao e raoiroi b'a kam na buokiia te koraki ake iai kainanoia; ao ngkana iai kainanomi, ao ngaiia a bati aia b'ai, ao a na manga buokingkami; ao a kaboraoaki aromi n te aro aei,
15n ai aron are koreaki ni kangai:
“Ane rikoriko
ni kabatia,
ao akea nikirana;
Ane rikorikoa ae ti teutana,
ao e aki kai nanona.”
Tito ma Raona16Ma E na katituaraoaki te Atua, are kaki i nanon Tito te nano ae ti te bo ma nanora i bukini buokami.
17B'a e aki ti butim'aea ara bubuti, ma bon iai nanona ni kani buokingkami, ma ngaia are e a tia ni baireia n oin nanona b'a e na nako imi.
18Ti kanakoa nako imi Tito ma raona temanna ae te tia onimaki ae rangi n ataaki n ekaretia nako i bukin arona n tataekina te euangkerio;
19ao tiaki ti aei, ma e a tia n rineaki naba irouia taian ekaretia b'a raora ni m'am'ananga n te m'akuri n akoi aei, ae ti tabe iai ngkai i bukin neboan te UEA, ao ni kaotira iai b'a ti kan i buobuoki.
20Iai nanora b'a ti aki kani bukinaki iroun temanna i bukin arora ni kawakina te b'ai n tituaraoi ae m'aiti aei.
21B'a nanora bon te kani karaoi baika raraoi, tiaki ti i matan te UEA ma i mataia naba aomata.
22Ao ti kanakoa ma ngaiia tarira, are ti rangi ni kakoaua i mwini kataakina i roura n taai aika bati b'a iai i rouna te nano ni kan i buobuoki n aaro nako; ao ngkai iai i rouna onimakinakimi, ao e a rangi ni korakora riki nanona ni kan i buobuoki.
23Ao i bukini ngkanne Tito, bon raou ae e m'akuri ma ngai i bukini buokami; ao i bukiia taari ake a na m'ananga ma Tito, bon aomata aika kam'anangaaki i bukin taian ekaretia; taan neboa Kristo n aia m'akuri.
24Ma ngaia ae kam na kaota nako ia aron ami tangira ma bukini kamoamoara i bukimi b'a a na noraki irouia taian ekaretia.
Who We AreWhat We EelieveWhat We Do
2025 by iamachristian.org,Inc All rights reserved.
