2.Tamuera Taekan te Boki aei - Kiribati New Version Bible

Taekan te Boki aei Ana kauoua ni Boki Tamuera bon reitan Ana Moan Boki Tamuera, are bon rongorongon ana tautaeka te Uea are Tawita man te ririki 1010 nakon 970 i m'aain Iesu, ao e moa mai Iuta i maiaki (M'akoro 1—4), ao ni manga katab'aninna, nako Iteraera n te itera meang (M'akoro 5—24). Bon te rongorongo ae kaota raoi aron Tawita, ni kona ni karababaa ueana ao n taumatoa nakoana, e bon aitara naba ma ana kairiribai i buakoia te botannaomata ma tautaeka naba ake mai tinaniku. Ma e bon kaotaki naba b'a Tawita bon te tia onimaki ae kakaonimaki nakon te Atua, ao ni kakoauaki b'a boni ngaia naba ae karekea karineana mairouia ana botannaomata. Ma bon iai naba taai ake kaoti arona aika aki raraoi ni karaoa ae bure n iranako nanona ae buakaka. Ma ngke e kaotaki ana bure aikai iroun te burabeti are Natan, ao e raraoma ao ni butim'aea katuaeana mairoun te Atua.Maiun ma ana waaki Tawita aika raraoi a bon riki b'a kakatongaia aomatan Iteraera n te aro are b'aai aika riki rimwi aika karawawata, ao ngkana a tangira rinean aia uea, ao e na bon riai temanna ae ‘natin Tawita’, are kanoan Tawita ae bon aekakina raoi.Oi n iango n te boki aeiAna tautaeka Tawita i aon Iuta 1.1—4.12

Ana tautaeka Tawita i aon Iteraera 5.1—24.25

a. Moan ririki ni waaki 5.1—10.19

e. Tawita ma Nei B'atateb'a 11.1—12.25

i. Kanganga ma kabuanib'ai 12.26—20.26

o. Ririki ake i mwiina 21.1—24.25