Maraki 2 - Kiribati New Version Bible

Ibonga ni koaua ao Ibonga ni kewe

1Bon iai te b'ai ae N na taekinna nakoia ibonga Ngai ae te UEA ae Moan te M'aaka.

2E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

3N na katuaaia ami kariki ma ni kabira matami ni butaeia maan ake kam anga b'a taiani karea, ao e a tib'a bane aia m'akuri ma ngkami.

4I tuangngkami te b'ai aio, b'a I aonga ni konaa ni kaawakina au boraraoi ma ami bakatibu are Rewi,

5N na kakab'aia n te maiu ae kororaoi, n aron are I a tia ni berita iai, ao ngaia e na kaawakina tib'angana n te boraraoi are e na neboai ma ni karinea arau.

6E reirei te koaua, ao e aki konaa n taekina te kewe, ao e kairiia aomata aika a m'aiti b'a a na kiitana te bure, i bukina b'a e ongotaeka Irou ao e maiuakina te raoiroi.

7Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

8Ma kam a tia ni katinanikuai. A kairiia aomata tabem'aang ami reirei nakon m'akuri aika a bure, ao kam a tia n urua te boraraoi are I karaoia ma ami bakatibu are Rewi.

9Ma ngaia are, I karaoia aomata nako b'a a na ribaingkami ma n aki kubaringkami, i bukina ngkai kam aki ongotaeka irou ma n aki konaa ni karaoa ae ti te arona nakoia aomata nako.

Taian boraraoi aika a uruaki

10Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

11Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

12I tataro b'a E na aki kariaia te UEA b'a a na riki b'a a na aomata koraki aika a tia ni bure, e ngae ngkana a rangi n ingainga nanoia n kan anga ana b'aintangira te UEA.

13Ao tera riki baika kam karaoi? Kam tang ni karongoa ao kam kaiekaa ana baonikarea te UEA n ranin matami, i bukina ngkai E aki kukurei iroumi n ami angab'ai ao e aki kan butim'aai.

14E aera ngkai e aki kukurei te Atua? I bukina b'a E ataingkami m'aane n tatabemaningkami nako b'a kam aki kakaonimaki nakoia buumi ake kam mare ma ngaiia ma ngke kam rikirake. Kam berita b'a a na riki b'a raomi n taai nako, ma ngkai kam a tia n urua ami berita.

15E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

16Ao E ribaia aomata nako te Atua aika a iowawa n raure ma buuia. Ma ngaia are, kam na kaakawakiningkami raoi b'a kam na aki manga aki kakaonimaki!

17Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?”

Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”