1.Rongorongo 4 - Kiribati New Version Bible

Ana Kariki Iuta

1Iuta bon tamaia naati m'aane aika niiman aika: Bereti, Etiron, Karemi, Ura, ao Tiobara.

2Tiobara bon tamaia Reaia, tibun Iaata te m'aane, ao tibutoruia Aumai ma Raata te m'aane. Boni kaain naba te kaainga are Tora m'aane ni kabane aikai.

3Aia karimoa te m'aane Kareb'a ma Nei Ebeata bon Ura. A tekateka ana kariki tabeman n te kaawa are Betereem. Ana kariki Ura ake tabeman bon Etam, Benuera, ao Etera.

4Natin Etam m'aane bon Ietireera, Itima, ao Itebati, ao natina te aine bon Nei Aterereboni. E tekateka Benuera n te kaawa are Ketora, ao e tekateka Etera n te kaawa are Utia.

5Boni iai uoman buun Atiura are e tekateka n te kaawa are Tekoa aika Nei Eera ao Nei Naara.

6Atiura ma Nei Naara bon aia karo Autam, Ebera, Temeni, ao Aatitari.

7Atiura ma Nei Era boni aia karo Tereta, Itiia, ao Etanan.

8Akoti, are tamaia Anuba, ao Tobeb'a, bon ngaia naba aia bakatibu kaain te kaainga are Aarera are natin Arum te m'aane.

9Iabeti bon te m'aane are e reke arana i bukin te maraki are e reke iroun tinana ngke e ariri ni maraki ni bungina. Ma bon te nati naba ngaia ae e rangi n onimakinaki n ana utu.

10E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

11Kerub'a bon tarin Tua ao taman Meira. Rimwi riki, ao rimwi e a riki natin Meira te m'aane ae Etiton,

12are teniman natina m'aane ake Betaraba, Betea, ao Teinna. Bon Teinna are e tekateka n te kaawa are Naati. A maeka ngkoa m'aane aikai ma aia utu n te kaawa are Reka.

13Kenati bon tamaia Oteniera, ao Teraia. Iai natin Oteniera aika uoman m'aane aika: Atata, ao Meonotai

14are taman Obera. Teraia bon taman Ioaba, are e tekateka n te tabo are e aranaki b'a “M'aruan Te Karaob'ai.” i bukina ngke a rangi ni b'aati ni karaob'ai kaain te tabo arei.

15Kareb'a are natin Iebunne te m'aane iai natina aika teniman m'aane aika: Iru, Era, ao Naam. Era bon taman Kenati.

16Iearerera bon taman Tibe, Tib'a, Tiria, ao Atarera.

17Etira bon tamaia Ietera, Mereta, Ebera, ao Iaron. E mare Metera ma Nei Bitia are natin uean Aikubita. Iai natiia te aine ae arana Miriam ao uoman natina m'aane aika Tiammai, ao Itib'a. E tekateka Itib'a n te kaawa are Etitemoa.

18E mare naba Mereta ma ainen te baronga are Iuta, ao natiia m'aane bon Iereta, Ebera, ao Iekutiera. E tekateka Iereta n te kaawa are Ketora. E tekateka Ebera n te kaawa are Toko, ao e tekateka Iekutiera n te kaawa are Tanoa.

19E mare te m'aane are Oria ma m'anen Naam. Ana kariki Oria bon Keira are kaain te kaainga are Kam, ao Etitemoa are kaain te kaainga are Maaka.

20Timon bon tamaia Amnon, Rinna, Benanan, ao Tiron.

Iti bon tamaia Toeta, ao Bentoeta.

21Iai naba natin Iuta te m'aane ae arana Tiera are e a riki mai rouna kaain te kaawa are Koteba, ao ai uana naba ma Era are e tekateka n te kaawa are Reka, ao Raata are e tekateka n te kaawa are Maretia.

22Bon ana kariki naba Tiera aomata ake a maeka n te kaawa are Beta Atibea, ao a rangi ni b'aati rarangaan te kunnikai. Tiera bon aia bakatibu Ioati ao Tarabe, m'aane ake uoman ake a mare ma ainen Moaba ao i mwiina, a manga tekateka i rarikin Betereem, ma a bon rangi ni maan rongorongon te utu aikai.

23Bon taani karao b'ainam'arake aika taian tano kaain te kaainga aikai ake a maeka n te kaawa are Netaim ao Ketera ao a m'akuri i bukin te uea.

Ana Kariki Timeon

24Iai natin Timeon m'aane aika niiman aika Nemuera, Iamin, Iariba, Tera, ao Tiaura.

25Aikai ana kariki Tiaura: Natina m'aane ake Tiarum, tibuna are Mibetam, ao tibutoruna are Mitima.

26Aikai ana kariki Mitima: Natina te m'aane are Ammuera, tibuna te m'aane are Takuura, ao tibutoruna are Timei.

27Bon iai natin Timei aika tengaun ma onoman m'aane ao onoman aine. Ma a aki roko m'aitin natiia tarina i rouna, ma ngaia are, e uarereke riki te baronga are Timeon nakon te baronga are Iuta.

28I m'aain rikin Tawita b'a te uea, ao a maeka ngkoa kaain te baronga are Timeon ni kaawa aikai: Beerateb'a, Morata, Atatuara,

29Birea, Etem, Torata,

30Betuera, Orema, Tikeraka,

31Beta Marekabota, Atatutim, Betabiri, ao Tiaaraim.

32A maeka naba ngkoa ni kaawa ake nimaua ake Etam, Ain, Rimmon, Token, ao Atian

33ni ikotaki naba ma kaawa aika a uarereke ake a uakaan ni karokoa te kaawa are B'aara. Aikai taabo ake a tia n tekateka iai ana kariki Timeon, n aron are e tauaki taekana ni bon rongorongon oin aia utu.

34Ao ngke e a rikirake ni buubura aia utu ma aia kaainga,

35ao a karekeaki taani kairiiri mairouia kaain Timeon.

36Ao aikai araia: Metiobaba, Iamreka, Iota are natin Amatia,

37Ioera, Ieu, Erioenai, Iakob'a, Ietioaia,

38Ataia, Ariera, Ietimiera, Benaia, ao Tita.

39Ngke a manga tangiri riki taabo n uteute aomata i bukin aia nanai n tiibu ao aia nanai ni kao, ao a taraa te tabo ni kabane are i mainikun te m'arua are e mena iai te kaawa are Kerara

40ao a kunei iai taabo n uteute aika a tamaroa aika a m'aiti aika taabo aika a rau ae a kamwengaraoi. E boni b'ainaki ngkoa te tabo aio mai i m'aaina irouia kaain Am,

41ma ngke e uea ngkoa Etekia i aon Iuta, ao a buakanaki kaain Am ma kaain Meun ma ni kanakoaki irouia kaain te baronga are Timeon man te aba, ao a tekateka ikekei.

42Tabeua te tai rimwi riki, ao a m'ananga nako 500 m'aane man te baronga are Timeon nako Etom i aan aia babaaire Beratia, Nearia, Rebaia, ao Utiera ake natin Iti m'aane.

43A tiringiia nikiraia kaain Amareka, ao a maeka ikekei man te tai anne.