Taian Areru 8 - Kiribati New Version Bible

Ana Areru Tawita i bukin mataniwiia taan anene.Neboan te Atua ao Karinean te Aomata

1Ara UEA ao ara Tia Tautaeka,

ai raoiroira aram

n tabo nako i aonnaba!

E nooraki mimitongim

i eta i karawa;

2A aneneia ataei ma merimeri.

Ko rab'a ma ni mano raoi mairouia am kairiribai;

Ko kaini wiia taani kaaitarako.

3Ngkana I tarataraa karawa are Ko a tia ni karaoia,

ma nam'akaina ma itoi, ake Ko katikui ni nneia

4Tera te aomata, ngkai Ko m'annanoia;

bon ti taian rab'ata ngaiia, ao Ko ururingiia!

5Ko kamangoria riki nakoim;

ao Ko bauniia n te mimitong ma te karineaki.

6Ko rineia b'a a na tautaekan am B'ai ni kabane

aika Ko a tia ni karaoi.

Ko katokaia i aon am Karikib'ai nako:

7kaao ma tiibu,

ao maan aika a aki manana naba;

8mannikiba i karawa,

ao ika i taari

ma manin nako taari.

9Te UEA, ae ara Tia Tautaeka,

e rangi n tikiraoi aram

ni kabutaa te aonnaba!