Taian Areru 87 - Kiribati New Version Bible

(Aia Areru ao aia anene natin Kora;)Kamoamoaan Ierutarem

1E katea ana kaawa te UEA i aon

te maunga are tabu;

2E tangira riki te kaawa are Ierutarem

nakon taabo nako i aon Iteraera.

3Ana kaawa te Atua, ko na ongora n

taekam aika kamimii mai Rouna:

4“N na karina aran Aikubita ma B'aburon

ngkana I korei ni karinani araia botannaomata aika ongeaba nako iu;

N na warekia kaain Biritia ma Tuuro ma

Tiobia i buakoia kaain Ierutarem.

5Ao e na atongaki Tion

b'a aia tabo aomata n aekaia nako,

Ao e na nene ni matoatoa iroun te Atua are Moan te Rietaata

6E na korei araia aomata nako te UEA

ao E na atongiia b'a kaain naba Ierutarem.

7A anene ni b'ab'atere ao ana kaangai,

“A nako mai Tion kab'aiara ni bane.”