1E nako Tekem Reoboam ike a bane n tataningaia aomata iai b'a a nang kaueaa.
2Ao e ongo taekan te b'ai arei Ieroboam are natin Nebata te m'aane, ao e a manga oki nako Aikubita, ike e nako iai ni karabaa ngkoa mairoun Toromon.
3Ao a kanaanako weteana kaain te baronga are Iteraera meang. Ao i mwiina, a bon bootaki ni m'ananga nakon Reoboam ao a taku nako ina,
4“E kairoroira tamam are Toromon b'a ti na m'akuri korakora. Ma ngkana ko kabebetea ara m'akuri, ao ti na m'akuri iroum mani karaoi b'aai ni kabane akana ko tuangiira.”
5Ao e taku Reoboam, “Kam a manga oki i mwiin tenibong b'a n na anganingkami au kaeka.” Ma ngaia are, a nako aomata akekei.
6Ao e nako Reoboam ni kawariia taani kairiiri ngkoa ake ana mataniwi aika rietaata tamana, ao titirakiniia ni kaangai, “Tera ae n na taekinna nakoia aomata aikai?”
7Ao a taku naakekei, “Ngkana ko tangiriia b'a a na m'akuri i bukim ma n ongotaeka iroum, ao ko na akoia ma ni berita b'a ko na kabebetei aia m'akuri.”
8Ma e aki kukurei Reoboam n aia iango ao e a manga nako ni kawariia rorobuaka n ataei ake e bon kaai n ikawai rake ma ngaiia ake a riki ngkai b'a taian mataniwi.
9Ao e titirakiniia ni kaangai, “Tera am iango n te b'ai ae n na taekinna nakoia aomata ake a tuangai b'a n na kabebetei aia m'akuri?”
10Ao a taku ana taan iango ake rorobuaka n ataei akekei:
Aio te b'ai ae ko na taekinna nakoia: Kam na iangoia b'a e mamara riki tamau nako iu.
11E kam'akuringkami n te m'akuri ae e rawaawata, ma ngai n na kam'akuringkami n te m'akuri ae moan te rawaawata riki. E kataereingkami n taiani kainikataere, ma ngai n na kataereingkami n taiani kainikataere aika iai taiani m'akoro ni biti aika a kakang i taboia!”
12I mwiin tenibong, ao a oki rikaaki Ieroboam ma tekorakina.
13E aki kubara aia iango taani iango ake a kawara Reoboam. Ao e kaonakoia
14man tuangiia raoi aia iango ake bon oin ana taan iango. Ao e taku: “E kam'akuringkami tamau n te m'akuri ae e rawaawata, ma ngai n na kam'akuringkami n te m'akuri ae moan te rawaawata riki. E kataereingkami n taiani kainikataere, ma ngai n na kataereingkami n taiani kainikataere aika iai m'akoro ni biti aika a kakang i taboia!”
15Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.
16Ti nang boni karaoi b'aai ake ti bon taku. Bane mai Iteraera, ti a bane n okiri mwengara!
17E nang bon tautaekaniia ake bon oin ana aomata Reoboam.”
18E kanakoa Atoniram are e tararuaia taan m'akuri ake ana tia m'akuri te uea ae Reoboam b'a e na taetae nakoia aomata, ma a karebanaia aomata n te atiibu ni karokoa e mate.
19Ao e biri nakon ana kaanibuaka Reoboam ao e kawaekoa n okira Ierutarem. Ao a bane Iteraera are te baronga are meang n okiri mwengaia ma ni kiitana Reoboam b'a e na tautaekaniia ake bon oin ana aomata i Iuta, ao man te tai anne are a rawa iai Iteraera n ongo irouia ma ana utu Tawita i Iuta.
A riki b'aai aikai ni kabane n aron are e a tia n tuanga Ieroboam ana burabeti te UEA are Aiia are kaain Tiro.
Who We AreWhat We EelieveWhat We Do
2025 by iamachristian.org,Inc All rights reserved.
