1Uring baike a tia n riki nakoira te UEA.
Taraira, ao noori rawawatara.
2A b'aini ara b'ai ianena;
A maeka iruwa ni mwengara.
3A mate ara karo irouia ara kairiribai,
ao a akea buia tinara.
4Ti a kabooa nimara te ran;
Ti a kabooa te aia i bukin kanaan karara.
5Ti a kam'akuraki n ai aron te aati ma te kaamero.
Ti rootaki n kua ma ti aki kariaiakaki ni motirawa.
6Ti nako ni bubuti te am'arake i Aikubita ao i Aturia
i bukin korakoran te baki.
7A bure ara bakatibu, ao a mate,
ao ngaira ti a karawaawataaki i bukin aia bure.
8A riki b'a ara mataniwi aomata aika bon tooro ngkoa,
ao bon akea ae kona ni kamaiura mai irouia.
9Ti nako ni kakaei karara i tinanikun te kaawa,
are nneia taan kam'arua.
10A bue rab'atara ni korakoran te baki,
ni karokoa e a kabuebue kunra n ai aron te ai ni umum.
11A tauia buura i aon te maunga are Tion,
ao a kairoroia natira ataei n aine b'a ana anga rab'ataia i nanon kaawan Iuta.
12A anaaki ara taan kairiiri ao a kabaeaki roroaia,
a akea karineaia ara unim'aane.
13A kairoroaki ara rorobuaka n ataei b'a ana karabinoi atiibu n i uita n ai aroia tooro;
a bebebebe rorobuaka n ataei i aan rawawatan uotaia.
14A akea karinean aia moti unim'aane ni mataroan te kaawa,
e a toki naba te katangitang irouia rorobuaka n ataei.
15Akea te kukurei ni maiura;
e a onea mwiin ara ruruoia te nanokawaki.
16Bon akea nikiran kakatongan nanora,
Ti bure ao ti a matakii n rannimatara,
17A rangi n aoraki nanora,
ao ti a matakii n rannimatara,
18i bukina b'a e a tiku ni kitanaki ma ni kamaroaa te maunga are Tion,
ao e a riki b'a ai nneia kameanti.
19Ma ko na tautaeka ngkoe ae te UEA ni karokoa te toki,
b'a bon te uea ngkoe n aki toki.
20Bukin tera ngkai Ko aki toki ni m'anuokiniira?
Ko bia manga ururingiira?
21Ko na kaokiira nakoim te UEA! Ko na kaokiira!
Manga kaoki kakannatora ake ngkoa.
22Ko na bon teimatoa naba n aki kubariira?
E a aki tootoki unim?
Who We AreWhat We EelieveWhat We Do
2025 by iamachristian.org,Inc All rights reserved.
