1Ruaiwa te ririki i mwiin uotakira nakon Ieoiakin ao ngaira ni kabane b'a taenikai nako B'aburon, ao E taetae te UEA nako iu ni katebwinan bongin te katebwina n nam'akaina. E taku:
2Etekiera ae natin te aomata, ko na taua mwiin te bong aei, b'a e a moana buakanan Ierutarem uean B'aburon ni buakana te kaawa are Ierutarem.
3Ao i mwiina, ko na tuangiia Au aomata aika a kakamangao ni kaangai:
“Kab'aroa te ran nako nanon te b'aata
ao katokaa i aon te ai.
4Karina rangan ao angan
am tiibu ae te kabanea n raoiroi
ao karin taian rii aika a menaai i nanon te b'aata.
5Karin taian kai i aan te b'aata,
ao kaburoi taian rii
ni karokoa a m'ai.”
6Nanon taeka aikai b'a e na b'aka Ierutarem! E onrake te kaawa irouia taan tiritiri ao ti te bo ma te b'aata ae e b'ainikawai ae e a raraa. E a anaaki te iriko ni man teuana i mwiin teuana, ao akea ae e tabe iai.
7A tiringiia aomata aika a raoiroi kaain Ierutarem ao a aki tabe naba ma karabaan te raraa are e raanga nako aon te tano ae e matoatoa.
8Ma I a tia n noora te raraa anne, ao e tang nako iu n tangira irantangaana.
9Boni Ngai ae te UEA ae N na katuaaea te kaawa n tiritiri arei! N na katauraoa te b'ariko n aia,
10ma ngaia ae kam na uoti mai riki taian aia ao kaurai. Kuukana te iriko ao kam'aa te am'arake b'a e aonga ni buro taian rii.
11Ao i mwiina, ko kanakoa kanoan nako aon taiani kooro aika kabuebue ni karokoa e a takarokaro. E na itiaki te b'aata n te aro anne ma ni kabueka te raraa ni kanakoa.
12I a tia ni katai b'aai nako. Ao ngkai e na riai n tia n nako te raraa n te kabuebue.
13E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.
14E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.
Maten Buun Etekiera15E taku te UEA,
16“Etekiera ae natin te aomata, N na anaa maiun te aomata ae ko rangi n tangiria n te tai ae e waekoa. Ma I aki tangiriko b'a ko na ngurengure ke n tang.
17Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”
18I taetae nakoia aomata n aron are I bon kaakaraoia n te ingabong teuana, ao e a mate buu ngke e a bungi taai. Ao n te bong are i mwiina, I karaoa te b'ai are E tuangai te UEA,
19ao ngke a noorai aomata, a titiraki ni kaangai, “E aera ngkai ko aki tang i bukin buum?”
20Ao I kaeka ni kaangai:
E taku te UEA ae te Atua
21b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.
22Ao i mwiina, kam na karaoa naba te b'ai are I tia ni karaoia. Kam na aki kanakoi rabunan matami ao kam na rawa ni kana te am'arake are e kaakanaki irouia taan tanginiwenei.
23Kam na aki buuti ami m'aita ma ami kauniwae. Kam na aki am'arake ke n tanginiwenei, ma kam na kabongnga n ririaki ma ni ngirangira i bukin ami bure nako.
24Boni ngai kanikinaean te kauring, I karaoi b'aai nako aika kam riai naba ni karaoi. Ao ane kam na ataia iai b'a bon te UEA ae te Atua ae E karaoi baikai ni kabane.
25E taku te UEA, Etekiera, N na waekoa n urua te Tembora are kam kainikatonga iai ma n taku b'a kam mano iai, ao N na uotiia nako naba natiia.
26N te bong naba anne, ane e na biri nako temanna man te kaawa ao e na roko n tuangkami te b'ai ae e a tia n riki.
27Ao ane kam na manga konaa n taetae, ao kam na kaai n taetae ngkami ni kauoman. Kam na riki b'a te kanikina ni kauring nakoia aomata, ao ana ataai iai b'a bon te UEA.”
Who We AreWhat We EelieveWhat We Do
2025 by iamachristian.org,Inc All rights reserved.
