1Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”
2N te bong teuana
ao ane e na mamaara ootan taai
ma nam'akaina ao taiani itoi nakoim.
A na teimatoa ietan atuum
taian nangi ni karau.
3Ane e na rikirake ni mamaara rab'atam,
a na m'aka wiim,
ao ane a na keerikaaki korakoran am taratara.
4Ane e na toki karongoaan
te ib'araua
i nanon taningam aika a bono,
ma ane ko na teimatoa n uti
n aia anene mannikiba.
5Ane ko na maaku n tam'arakea te tabuki
ke ni kabuanib'ain nanon te kawai;
Ane e na mainaina iran atuum kaanga ueen te amon.
Ane ko na aki namakina te marurung,
ao ko na kookookiko kaanga te taake.
Ti na nako naba ngaira n tatabemaniira nakon mwengara are akea tokina,
ao e na onrake nanon te kawai
irouia aomata aika a tanginiwenei.
Ti na bane n nako ni mwengara are aki totoki
ao ana bane n onrake kaawa
irouia aika nanokawaki.
6E moti te karai ae te tirewa,
ao n uruaki te boora ae te koora;
a tabwenaua b'aai n ran,
ao e maenikun
wintin te m'anib'a.
7Ma ngaia are, a manga oki rab'atara
nakon te tano,
ao te ikeike ni maiu
e na okira te Atua.
8Akea nanon b'aai nako.
I a tia n noori ni kabane
akea nanon b'aai nako.
Karinea Te Atua Ao Ongotaeka Irouna9Bon te tia reirei ngai ae I rangi n ataib'ai, ao I bobooti taeka n rabakau aika a m'aiti aika I a tia ni manga rinanoi.
10Ao i mwiina, I a kataia ni kab'arab'arai n taekaia aika I taku b'a te kabanea n eti ao ni koaua.
11Ti te bo te taeka ni wanawana ma ana kai te tia kaawakiniman are e kaakaboonganaa ni kaiririia iai maan. A roko taeka n rabakau aikai mairoun te Atua, are bon ti ngaia ara tia kaawakintiibu, ao kaanga ai aron taian neera ake a kanim ni kamatoai b'aai n ti teuana.
12Natiu, I tangiriko b'a ko na kararoako man taeka n reirei tabeua, ao ko na ti taui aikai:
Bon akea tokin taiani boki,
e na uotiko nako
te kamateb'ai ae moan te bati.
13A konaa ni bootaki b'aai ni kabane akana ko reiakin n taeka aika ti tabeua aika:
Karinea ao ongotaeka iroun te Atua!
Bon anne raoi
nanon te maiu.
14Te Atua, E na motikitaekan b'aai nako
aika ti karaoi,
e ngae ngkana ti karaoa te b'ai teuana ni karabaa,
te b'ai ae e raoiroi ke ae e buakaka.
Who We AreWhat We EelieveWhat We Do
2025 by iamachristian.org,Inc All rights reserved.
