Ioera Taekan te boki aei - Kiribati New Version Bible

Taekan te boki aeiBon te burabeti Ioera ae e a tia ni matakuakina te taanga n rookati teuana i mwiin teuana, ake a kaona aon te aba are Iteraera ma n tiring ni kabane taian aroka. E kab'arab'arai taian taanga n rookati aikai, b'a e ngae ngke bon aia taanga ni buaka kairiribai aika a urui b'aai ni kabane aika a noori, ma e bon taku naba b'a E boni kanakoia te UEA b'a karekean kaiia Iteraera i bukin aia bure. E kamanenaa te taanga n rookati Ioera b'a arona n taetae i bukin te taanga ni buaka ni koaua are e na buakana Iteraera. Ma E berita te UEA b'a ngkana a rairaki aomata nakoina, ao e na kab'arai aia bure ma ni manga kakab'aiaia.E karokoa te urub'ai ae moan te kakamaaku te taanga n rookati, ma bon te b'ai ae e uarereke b'a ti katoongan te b'ai ae na riki n Ana bongi n motikitaeka te UEA. E na kateia botannaomata ni kabane te UEA n te bong anne i bukin te b'ai ae a tia ni karaoia nakoia ana Aomata, ao a na katuaaeaki akana a reke n te bure.A kaona te M'arua are Te Motikitaeka aomata aika batiE na waekoa n roko ikaiana bongi ni motikitaeka te UEAakea ootan taai ke nam'akaina,ao a na aki manga oota taiani itoi.E na bekorara te UEA kaanga te raianmai nuukan Ierutarem,ni karurua te aonnaba ao karawa.Ma bon te nono te UEAte tabo ni kamanomanoi bukiia ana Aomata aika Iteraera.(3.14-16)Oi n iango i aon te boki aei1. Taian rookati ao aia taanga ni buaka kairiribai 1.1—2.17

2. E na kakab'aiaia ana aomata te UEA 2.18-32

3. E na katuaaia botannaomata nako te UEA 3.1-21