Amota 5 - Kiribati New Version Bible

Te Wewete Nakon Te Raira-n-nano

1Kam na ongora, Iteraera, nakon te kuna n rainanoanga ae I aneneia nakoimi:

2E a tia ni b'aka te ataeinaine ae Iteraera,

E aki manga teirake riki!

E wene ni kitanaki i aontano,

Ao akea ae e na buokia ni kateirakea.

3E taku te UEA ae moan te rietaata, “A kanakoaki teuana tengaa tautia man te kaawa ae Iteraera, ma ti tebubua tautia aika a okirikaaki, ao te kaawa teuana e a manga kanakoia tebubua ana tautia ma ti tengaun ana tautia aika a oki.”

4E taku te UEA nakoia Iteraera, “Nakomai ao kam na maiu.

5Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

6Okira te UEA

ana bakatibu Ioteb'a,

ao kam na maiu.

Ngkana kam aki, ao te UEA

e na roko ni buaka n ai aron te ai.

Betaera e na bue nako aontano,

ao bon akea ae kona ni kamaiua.

7Kam na mate, ngkami aika kam raira te kaetitaeka ae riai mani m'am'anaia aomata man aia riai!

8E kariki itoi te UEA,

ao ni katikui n aroia.

E bita te rotongitong nakon te karangaina

ao te ngaina nakon te tairiki

E wetei ranin marawa

ao e nurakin nako aon te aba.

ao Arana bon te UEA

9E uota te urub'ai i aoia akana korakora.

10Ngkami aika aomata kam ribaia ake a karaoa te motikitaeka ae riai ao n taekini taeka aika koaua n te bowi.

11Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

12Ao I atai aron ami bure aika nang riao aika kam a tia ni karaoi. Kam b'ainikiriniia aomata aika raoiroi, kam kamaraato, ao kam totokoia aika kainano nakon te motikitaeka ae eti n te bowi.

13ma ngaia are te aki kakarongoa i nanon taai aika bubuaka bon aromi ni birikatai!

14Karika ami iango b'a kam na karaoi baika raraoi, tiaki baika buakaka, b'a kam aonga ni maiu. B'a e aonga te UEA ae m'aaka ni memena iroumi, man atongnga b'a bon ami Uea.

15E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

16Ao te UEA ae m'aaka e na kangai, “E na iai te tang n nanokawaki i nanon kawain te kaawa. Taan ununiki a na bon tang naba i bukiia ake a mate

17E na bane n tang te aba i nanon nne n aroka. A na bane n riki aikai i bukina b'a N na bon roko ni katuuaingkami. Bon ana taeka te UEA.

18E na bon kanganga nakoimi ngkami ake kam ukoukora ana bong te UEA! Tera raoiroin te bong anne nakoim? Bon te bong ae na rotongitong ma tiaki te ota.

19Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!

20Ana bong te UEA e na uota te rootongitong ma tiaki te oota; bon te bong ae na mabubu, n akea otana.

21E taku te UEA, I ribaai ami botaki n taromauri; I bon aki kan tarai!

22Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

23Katoki ami anene aika kaberoro; I bon aki kan ongo tangin ami aabi.

24Ma ke e raanga rio te kaetitaeka ae ai aron te karaanga ae aki kona ni b'atakataka.

25Ngkami aika aomatan Iteraera, I bon aki kainanoi ami anga karea i nanon abwi te ririki are I kairingkami iai i nanon te rereua.

26B'a ngkai, kam'a tia n taromauri katotongan Takuta, are uean atuami, ao Kaiwan, are atuaia itoi ao kam na uouoti banna akanne

27ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.