1A kaaitibo taani kairiiri mai Iteraera ma Tawita i Eberon, “Bon am koraki ngaira,
2ao ti ataia b'a ko a tia ni kaira ara taanga ni buaka nakon te buaka, ngke e boni uea naba ngkoa Tauro. E a tia ni berita te UEA b'a ko na tautaekana abara ao ko na kaawakiniira n ai aroia tiibu.
3Ma ngaia are, ti a roko ngkai b'a ti na katokaa am baunuea b'a ko na riki b'a uean Iteraera.”
Ao e karaoa ana boraraoi Tawita ma taani kairiiri ao e bubutiia te UEA b'a E na riki b'a aia tia kakoaua. Ao i mwiina, a kab'aroa te b'aa i aon atuun Tawita ni kaotia b'a e a riki ngkai b'a uean Iteraera. E riki aei n aron are e a tia n taekinna ana burabeti te UEA are Tamuera.
Tauakin Ierutarem Iroun Tawita(2 Tam 5.6-10)4E aranaki ngkoa Ierutarem n te tai anne b'a Iebuti, ao e kam'anangaa ana taanga ni buaka Iteraera te uea are Tawita ni buakana te kaawa anne.
5A taku kaain Iebuti, “Ko bon aki konaa n rin ikai” Ma e reke iroun Tawita te nono are te Maunga are Tion, are e aranaki ngkai b'a Ana Kaawa Tawita.
6E a tia n tuangiia ana taanga ni buaka ni kaangai, “Te moan tautia ane e tiringa kaain Iebuti e na riki b'a au mataniwi n te taanga ni buaka.” Ao i bukina ngke Ioaba are e moan waakina te buaka, ao e a riki b'a te mataniwi n te taanga ni buaka.
7Rimwi, e a manga waaki Tawita nakon te nono, ao bon anne bukina are e aranaki iai b'a ana Kaawa Tawita.
8E a manga karaoa te kaawa arei, ni moanna man kanoaakin iterana are mai mainiku. Inanon te tai anne, ao e a kaira karaoan te uruaki n te kaawa Ioaba.
9E rikirake Tawita n riki b'a te uea ae e kakannato mani korakora ana tautaeka, i bukina ngke e mena te UEA ae moan te korakora n ana itera.
Taani Buaka aika Teniman(2 Tam 23.8-17)10E a tia ni berita te UEA b'a e na riki b'a te uea Tawita, ma ngaia are, a bane Iteraera ni boutokaa Tawita. E buokaki naba abanueana ni kaawakinaki irouia taani buaka aika a korakora b'a e aonga ni matoatoa.
11Te moan aomata mai buakoia taani buaka aikai bon Iatiobeam are natin Akemoni te m'aane, are bon te tia kairiiri irouia Taani Buaka aika Teniman. N te bonibuaka teuana ao e tiringiia tenibubua m'aane n ana kainiwai.
12Te tia buaka are temanna mai buakoia Taani Buaka ake Teniman bon Ereata are natin Toto are kanoan Aoa.
13I nanon tain buakanakiia kaain Biritia i Bati Tammim, a bane ni birinako tautian Iteraera,
14ao bon ti Ereata nikirana, are e tiku ma Tawita. A kanene n aki keerikaaki n te tabo teuana i rarikin te katawanang ni b'are ao a kataenikaiia kaain Biritia! E anga te tokanikai te UEA ae e koro arona nako ia Iteraera n te bong arei.
15N te tai teuana ao a m'ananga Taani Buaka aika Teniman akekei ni kawara Tawita i buakon taian b'a ake n te nangananga are arana Aturam. A tia ni katea aia kaemb'a kaain Biritia ni M'aruan Rebaim
16ao e a tia n reke irouia Betereem. E mena Tawita n te nono,
17ao e taku, “I a rangi ni baki. Tera ngke I mooi n ranin te m'anib'a are ni mataroan te kaawa are Betereem.”
18Ao a nako Taani Buaka ake Teniman akekei ni karaba n niniia aia kaemb'a kaain Biritia ao a itiia te ran man te m'anib'a are ni mataroan te kaawa are Betereem. A uotia rikaaki nakon Tawita, ma e aki kan nimma, ao e kab'aroa te ran arei b'a te karea nakon te UEA
19ao e taku, “Nimakin te ran aei boni kaanga nimakin raraaia m'aane aika a tia n anga maiuia ibuku.”
A karaoi m'akuri n ninikoria aikai Taani Buaka aika Teniman aikai.
Taani Buaka aika Teningaun(2 Tam 23.18-39)20Te tia kairiiri irouia Taani Buaka ake Teningaun bon Ioaba are tarin Abitiai, ao n te bonibuaka teuana e tiringiia tenibubua m'aane n ana kainiwai. E bon kakannato naba n aroia Taani Buaka ake Teniman
21ao e rangi ni kakannato riki mai buakoia Taani Buaka ake Teningaun. Bon aia mataniwi n te taanga ni buaka ngaia, ma e aki roko n te iririia Taani Buaka ake Teniman.
22Benaia bon natin Ieoiata te m'aane ae e ninikoria man te kaawa are Kabeteera are e karaoi b'aai aika a kamimii. N te tai teuana, e tiringiia uoman ana taani buaka Moaba aika a bane aroia, ao n te bong ni kam'aitoro teuana, e nako nakon te kinono ao e tiringa te raian iai.
23N te tai teuana e tiringa kaain Aikubita ae e raka i aon uoua te miita rietana ae e ua kainiwai. Bon ti te ambo rekenibaina, ma ngaia are, e rawea te kainiwai mairoun te I-Aikubita arei ao e tiringnga iai.
24E karaoi m'akuri ae ai aron aikai Benaia, bon ti te bo ninikoriana ma Taani Buaka ake Teniman,
25e ngae ngke e aki raoniia. E bon rangi ni kakannato naba mai buakoia Taani Buaka ake Teningaun. Ma ngaia are, e karikia Tawita b'a te mataniwi irouia ana taan tararuaia.
26Aikai araia taani buaka aika a kakannato: Ataera are tarin Ioaba;
27Ereanan are natin Toto te m'aane are kaain Betereem; Tiammota are kaain Arora; Ereti are kaain Beron;
28Ira are natin Iketi are kaain Tekoa, Abietera are kaain Anatota; Tibekai are kanoan Utia; Irai are kanoan Aoa;
29Maarai are kaain Netob'a; Ereba are natin Baana te m'aane are kaain Netob'a;
30Itai are natin Ribaai te m'aane are kaain Kibea are kanoan Beniamin;
31Benaia are kaain Biraton; Urai mai rarikin karaanga nako aika a uarereke i aon te Maunga are Kaati;
32Abiera are kaain Areb'a; Atimaweta are kaain B'aarum;
33Eriaba are kaain Tiaarebon; Atem
34are kanoan Kition; Ionatan are natin Tiake te m'aane are kaain Ara;
35Aiam are natin Taka are kanoan Ara; Erib'ara are natin Ura te m'aane;
36Ebera are kaain Mekera; Aiia are kaain Beron; Etiro are kaain Karemera;
37Naarai are natin Etib'ai te m'aane; Ioera are tarin Natan;
38Mibea are natin Akeri te m'aane; Tereka are kaain Ammon;
39Naarai are kaain Beerota are te tia uouota ana b'ai ni buaka Ioaba;
40Ira ma Kareb'a are kanoan Ietera;
41Uria are kanoan Eta;
42Tabata are natin Arai te m'aane;
43Arina are natin Tita te m'aane, are te tia kairiiri man te baronga are Reuben, ao ana taani buaka ake teningaun;
44Anan are natin Maaka te m'aane; Iotiab'ata are kaain Mitan;
45Utia are kaain Atitera, Tiam'a ao Ieiera natin Otam are kaain Aroera.
46Ieriaera ma Ioa are natin Timri are kain Tita, Eriera are kaain Maawa,
47Ierib'ai ma Iotiawia ake natin Erenaam, ao Item'a are kain Moaaba, Eriera ma Obeta ma Iaatiera are kaain Metob'a.
Who We AreWhat We EelieveWhat We Do
2025 by iamachristian.org,Inc All rights reserved.
