1Ara UEA bon te king;
ao a makua aomata;
E tekateka i aon ana kaintokanuea are i aoia kerubim
ao e m'ainging aon te aba.
2E kakannato te UEA i Tion
ao e rietaata i aoia botannaomata nako.
3Ke a karaoiroa arana ae kakannato ma ni kakamaaku aomata nako.
Moan te tabu Ngaia!
4Te Uea ae Ko korakora,
Ko tangira te eti b'a e na karaoaki;
Ko a tia ni kawenei am Babaire i bukini
karaoan te kaetitaeka ae e raoiroi i buakoia Iteraera;
5Kam na neboa te UEA ae Atuara;
taromauriia i matan ana kaintokanuea!
Moan te tabu Ngaia!
6Ana ibonga naba Moote ma Aaron,
ao Tamuera, boni ngaia naba temanna ae taboa arana;
A tataro nakoina, ao E ongo irouia.
7E taetae nakoia man te nang are kanga ai aron tein te boua;
A ongeaba nakon ana taeka ma ana tua are E anganiia.
8Te UEA ae Atuara, Ko ongo irouia am Aomata;
E boni ngae ngke Ko kareke kaiia i bukin aia bure,
Ma Ko boni kaotiko naba nakoia b'a te Atua Ngkoe ae te tia kab'ara buure.
9Kam na neboa te UEA ae Atuara,
ao taromauriia n ana maunga are tabu!
Moan te tabu te UEA ae Atuara!
Who We AreWhat We EelieveWhat We Do
2025 by iamachristian.org,Inc All rights reserved.
