1Ao e reitanako ana taeka Eriu, ao e taku,
2Taotaona nanom, ao ongora riki teutana
nakon te b'ai ae I taekinna
man Ana itera te Atua.
3E raababa au atatai, ao N na kamanena te b'ai ae I ataia
ni katereterea te Atua ae au Tia karikib'ai b'a E bon eti.
4Bon akea te b'ai ae bure ae I taekinna nako im,
b'a e mena ngkai i matam te aomata ae wanawana raoi.
5Ai korakora ra te Atua! Bon akea temanna ae kakeaa bonganana.
Bon akea naba te b'ai ae aki ataia.
6E aki kateimatoai maiuia taani bure,
ao E kaakaraoa te eti nako ia aomata aika kainano.
7E kakawakiniia aomata aika raoiroi;
E kariaia b'a a na tautaeka b'a kaanga taiani uea,
ao E karaoia b'a a na karineaki n aki toki.
8Ma ngkana a kabaeaki aomata n taurekereke,
a kabureaki man karawawataaki i bukin baika a tia ni karaoi,
9ao te Atua, E boni kaota naba nako ia aia bure ma aia kainikatonga.
10E karaoia b'a a na ongora nakon Ana kauring,
b'a a na rairaki nako man te buakaka.
11Ngkana a ongotaeka i roun te Atua ma n toro i Rouna,
ao a na kabanei maiuia n te rau ma te tabomoa.
12Ma ngkana a aki, ao a na mate i nanon nanobabaia,
ao a na ri aon te karaanga nako abaia maate.
13A na teimatoa n un nanoia aomata ake akea atuaia,
e ngae ngke a katuaaeaki, ao a bon aki kan tataro naba buokaia.
14A mate ngke a bon ataei,
a uruaki rab'ataia ni m'akuri aika buakaka.
15Ma E reireiniia aomata te Atua i nanon te rawawata,
ao E kabongana te maraki i bukin kaureani mataia.
16E kaotinakoko te Atua man te kangaanga,
ao e karekea te rau nako im b'a ko na kukurei iai;
E kaona aon am taibora n te am'arake.
17Ma ngkai, ko a katuaaeaki ni bon uaan mwiin am m'akuri.
18Taratara raoi b'a ko na aki m'ane n te babaka ni kawai,
ke ni kairakinako n taiani kaub'ai.
19Bon akea uaan takaaruam i bukin buokam;
ao korakoram ni kabane a bon aki kona ni buokiko ngkai.
20Tai ienikuriia rokon te tairiki,
are te tai are a na mauna nako iai botannaomata.
21Tarataraiko b'a ko na aki rairaki nako nakon te buakaka;
e karokoaki te rawawata nako im b'a e na kawakiniko mai iai.
22Ko na uringa korakoran m'aakan te Atua,
boni ngaia te kabanea n tia reirei ae korakora i aon b'aai nako.
23Bon akea temanna ae kona n tuangnga Ana m'akuri,
ke ni bukinna ni karaoan te buakaka.
24 E neneboaki ni b'aai ni kabane ake E karaoi,
ao ko riai naba n neboia.
25A tia aomata ni kabane n noori b'aai ake E a tia ni karaoi;
ma ti ara b'ai te mataku mai keraroa.
26Ti aki kona n atai korakorana ni kabane,
ke ni wareki m'aitin Ana ririki.
27Bon te Atua ae anaa te ran mai aonteaba,
ao E onikia nakon te timtim ni karau.
28E kab'aroa te karau man taian nang,
b'a taiani karau nako ia aomata ni kabane.
29Bon akea ae ataa butin taian nang,
ke aron rurungaan te baa ri karawa,
n te tabo are E maeka iai te Atua.
30E kanakoa te iti i karawa ni kabuta,
ma e bon tiku naba kabin marawa n rotongitong.
31Ao bon aei arona ni kam'arakeia aomata
ma ni kataubobongai am'arake aika rangi ni m'aiti.
32E taua te iti i nanon baina ake uaai,
ao E kanakoa b'a e na orea te tabo are E m'aakenna.
33E kaota rokon buakan karawa,
ao a ataa iai rokon buakan karawa te nanai ni kao.
Who We AreWhat We EelieveWhat We Do
2025 by iamachristian.org,Inc All rights reserved.
