I-Ebeto Taekan te Boki Aei - Kiribati New Version Bible

Taekan te Boki AeiTe koaua ae kakawaki are e tabe moa ma ngaia te reta aei bon ana kaantaninga te Atua, are bon te boti b'aai ni kabane, aika b'aini karawa ma b'ain aonnaba, b'a a na reitaki ma Kristo ao a na taraia b'a Atuaia Ngaia (1-10). E taekina mateni Kristo b'a boni ngaia ae reke mai iai kamaiuaia kaain aonnaba; ao Iesu ae boni Ngaia are E a manga kamaiuaki iroun te Atua man te mate, ao E tekateka ngkai i angaataina i karawa, ike E tautaeka iai i aon te aonnaba aei ma te aonnaba ae na roko.E a rangi ni karawaawataaki te koaua i bukin te aro ni katiteuanaki irouia Kristian ni kabaneia, ao e kab'arab'araaki taekana n reitaki ma aron te Atua ngkai bon ti temanna Ngaia, ti temanna te Tamnei, ao ti temanna naba te UEA (are Iesu Kristo). E a kauaaea te koaua aei nakon aroia kaain te ekaretia, b'a a riai ni b'aina te nano ae ti teuana, ao a riai naba ni b'aina te maiu n iraorao ao te maiu n raoi ma raoia. A na kaotia ni maiuia b'a a katiteuanaki ngkai a reitaki ma Kristo.A kabonganaki banna aika kakaokoro ake a na kaota aron te katiteuanaki irouia ana aomata te Atua n aron reitakiia ma Kristo. E a taekinaki te ekaretia b'a kanga ai aron te rab'ata, ao Iesu b'a atuna; ao e taekinaki naba b'a kanga ai aron te auti, ao Iesu b'a bouan te maninganinga. Ao e taekinaki naba b'a kanga te ainenum'a, ao Iesu b'a buna. B'aai aika taekinaki n te reta aei, a taekinaki n reitaki ma aron ana tangira Kristo, ma arona ni kab'ara bure, ma arona n akoi ma n anga Ngaia b'a te karea, n reitaki naba ma aroni maiuna ae itiaki man te bure.Aron Teini KanoanaTaeka ni Kamauri 1.1-2

Kristo ao te Ekaretia 1.3—3.21

Te Maiu ae Boou i nanoni Kristo 4.1—6.20

Kabanea n Taeka ni Kamauri 6.21-24