1Te Atua, Ko aera ngkai Ko kitanira n te aro aio?
E na toki ningai unim irouia am Aomata?
2Ururinga am Bootaki n aomata, ae Ko rineia ngkoa i bukim,
Ae Ko kainaomataia man te tautoronaki b'a a na riki b'a am Aomata.
Ururinga te maunga are Tion, are nem ni maeka.
3Ko na nakonako n toutou aoni baika urubekebeke aikai;
A urui b'aai ni kabane n te Tembora ara kairiribai.
4A takaakaa n tokanikai am Kairiribai i nanon am Tembora;
A katioi aia buraeki ikekei b'a kaotan aia tokanikai.
5Ai aron taraaia taani korokai ngkana
a korei kaai ni kab'akai n aia angaraa
6A kamanenai angaraa ma aama ake a
buubura n urui kaina ake a korokoreaki aoia ni katamaroaaki.
7A urubekebekea am Tembora ao a kabuokia;
A kam'araea nem n tataromauriaki.
8A taku i nanoia, Ti na kabane n uru!
A kabuoki ni kabane nen te Atua n taromauriaki i aon te aba.
9Akea kanikina aika kamimii aika ti noori;
akea nikiraia burabeti n tiku;
Ao akea temanna ae ataa maanin tain te aro aio.
10Te Atua, ai ti maanraa aia tai ara kairiribai ni ngareakiniko?
A na toki ningai n taekiniko n te aro n iowawa?
11Ko aera ngkai Ko rawa ni buokira?
Ko aera ngkai Ko a tau baim i akuum?
12Ma Ngkoe, te Atua, bon ara Uea ma ngkoangkoa;
A m'aiti am Tai ni kamaiura.
13Ko bwenaua taari ni m'aakam;
Ao Ko ibei atuia baika maiu aika kakamaaku ake i marawa;
14Ko kamanatuai atuia Ribaietan,
Ao Ko anga rab'atana b'a kanaia manin te rereua.
15Ko kaawa nako ranin taiani karaanga ma koburakenran;
Ko kakeai ranin karaanga aika ab'ab'aki.
16Ko karika te ngaina ma te bong;
Ko kaaki nam'akaina ma taai ni neia;
17Ko bairea tian aon te aba are na toki iai;
Ko karaoa bongin te aumaiaki ma te aumeaang.
18Ma Ko na uringnga, te Atua, b'a a ngareakiniko am Kairiribai,
Ao akea onimakinam ma karineam irouia.
19Tai kaaki taekani maiuia am Aomata aika kananoanga i nanoni baiia aomata aika kakam'arua.
Tai m'aninga taekaia am Aomata aika b'ainikirinaki.
20Ko na ururinga te boraraoi are Ko karaoia ma ngaira.
A toa taabo nako aika roo i aon te aba ni m'akuri ni kakiriwe.
21Tai karaoa ae a na b'ainrang iai akana karawaawataaki;
A bia kamoamoa aram akana kananoanga ma akana a kai nanoia.
22Te Atua, teirake, ao taetae i bukim!
Uringiia aomata ake akea karineam irouia ni ngareakiniko n te bong koraki.
23Tai m'aninga taekani b'anaaia n takaarua n un aiam,
Are karongoaaia ae e aki tootoki bukina.
Who We AreWhat We EelieveWhat We Do
2025 by iamachristian.org,Inc All rights reserved.
