1Te UEA, ongo au tataro,
ao ongora ni b'anaan au bubuti!
2Tai karabako mairou n te tai
ae I reke iai n te kaangaanga.
Katanimaia taningam nako iu,
ao bareiko n ongo irou ngkana I weteiko iai.
3E tabe ni mauna maiu kanga ai aroni bubun te ai;
Ao e kabuebue rab'atau kanga ai aron ae I mena n te tabo ni kanaiai.
4I rangi ni mamara kanga ai aron te uteute ae rai;
E bua te kan am'arake.
5I korakai ni ngirangira te maraki,
ao I a rangi ni bakitaia.
6Ai aron te mannikiba n tiku n ti ngaia n te rereua;
I riki n ai aron te man n taabo ni maeka aika uruaki aika akea kaaia.
7I wene n aki mamatu;
n ai aron te mannikiba ngai ae tiku n ti ngaia i aon akuun taubukin te auti.
8A taetae n iowawa nako iu taan ribaai ni katoa bong;
A kamanena arau b'a aia taeka ni karereanti.
9I kana te mannang
kanga te am'arake,
ao I rengana nimau n rannimatau,
10I bukini bonon nanom ma unim;
ao Ko tabekai ni karenakoai.
11Ai aron te nu ae tabe
ni mauna bongini maiu,
Ao I rai n ai aron te uteute.
12Ma Ngkoe, te UEA, Ko uea n aki toki;
Ko na ururingaki irouia rooro nako.
13Ko na teirake ni kaota nanoangaan Tion:
B'a e a bo ana tai n akoaki; aio raoi taina.
14A kakawaki atiibuna iroura,
ngaira aika am Toro;
Ao a karika nanokawakira
taraani bubun aontanona.
15Ane a na maka te UEA botannaomata;
a o a na bane uean aonnaba ni maka m'akana.
16Ngkana E a manga katea Tion te UEA,
Ao E na kaota iai kakannatona;
17E na ongo irouia ana Aomata akana kananoanga,
Ao E aki ribaai aia tataro.
18E na koreaki aei i bukiia te roro ae na roko rimwi,
B'a a aonga aomata aika na bungiaki rimwi ni kamoamoa te UEA:
19E baraaki te UEA n taratara mani nena ae tabu i eta;
E tara aon te aba mai karawa,
20B'a E na ongora ni kainanoia ake a tauaki b'a buure,
Ao b'a E na kainaomataia akana a moti taekaia b'a a na kamateaki.
21Ma ngaia ae e na taekinaki aran te UEA i Tion,
Ao E na kamoamoaki i Ierutarem
22Ngkana a bootaki aomata aika bati man aaba aika kakaokoro
n taromauria te UEA.
23E kamamaraai n au ririki ni maiu ae I riai ni matoatoa iai;
E kakimototoa maiu.
24Ao I kaangai, Atuau, tai uotai nako
ngkai i m'ain ae I kara;
te UEA, Ko maiu n aki tootoki;
25Ko kawenea aan aonnaba ngkoangkoa,
ao Ko karaoa karawa ni baim.
26A na bane ni mauna, ma Ko teimatoa;
ane a na mangaingai kanga te kunnikai.
Ko onikia kanga ai aron te kunnikai,
ao ane a na bane n akea rab'ataia.
27Ma Ko teimatoa n aki onionikaki;
ao akea tokini maium.
28A na maiu ma te rau natira,
ao i aan am tararua
a na kawakinaki raoi aia kariki iroum.
Who We AreWhat We EelieveWhat We Do
2025 by iamachristian.org,Inc All rights reserved.
