1Kam na bane n ongora n aei, ngkami botannaomata!
Katanimai taningami, ngkami aomata n taabo nako,
2akana kam mangori ma akana kakannato,
ao ngkami naba akana kam kaub'ai ma akana akea ami b'ai.
3E na atong taeka n rabakau wiiu,
Ao e na reke te ataib'ai man taeka aika nako mai nanou.
4N na kakauongo nakon taeka n rabakau;
ao N na kab'arab'arai nanoia ngkai I katanga te aabi.
5Bukin tera b'a N na maaku
ni boong aika bubuaka,
Ngkana I otab'aniniaki
irouia aiau aika iowawa?
6Aomata ngaiia aika onimakini kaub'aia
Ao a kamoamoaia n aia b'ai aika bati.
7Akea ae e kona ni kaboa maiuna,
Ke n angan te Atua booni maiuna:
8B'a akea boona ae tau ni kaboaki iai,
aron kaokan maiuna
ko bon aki kona naba ni kabooa te Atua
9iroun ane e rawa ni kani mate,
ane e kani maiu n aki toki.
10Ti kakoaua b'a a mate naba aomata aika wanawana;
Ai aroia naba aomata aika nanobaba mani bangab'ai
b'a a mate ao a tiku aia b'ai
i mwiia nakoia aia bakatibu.
11E riki te ruanimate
b'a neia n aki toki,
A tiku iai n taai nako,
ngke bon iai ngkoa oin abaia.
12E aki kona kakannaton te aomata n tuka matena;
E na boni mate naba n ai aroia maan.
13Aio tokiia akana onimakiniia i bon irouia,
Ao aroia naba akana onimakin
taeka n nanobaba:
14A motikaki bukiia b'a a na mate n ai aroia tiibu;
E na riki te mate b'a te tia kawakinia n ai aron te tia kawakin-tiibu,
are na kairiia nakon te ruanimate.
A na tauaki aroia n te ingabong
irouia akana raoiroi,
ngkai a waekoa ni mka rab'ataia n te ruanimate,
ike e raroa nako mani mwengaia.
15Ma E na kamaiuai te Atua;
E na kamaiuai mani m'akan te mate.
16E na aki rawaawata nanom ngkana e riki ni kaub'ai temanna,
Ngkana e rikirake ni bati kaub'aina;
17E aki kona n uotia nako ngkana e mate;
E aki kona n airi ma kaub'aina nakon te ruanimate.
18E ngae ngkana e rauaki nanon te aomata ni maiuna,
Ao e kamoamoaki b'a e tetekeraoi ni maiuna,
19Ma e na boni bootaki naba ma ana bakatibu ngkana e mate,
ike a aki kona ni manga nora iai te oota.
20E aki kona kakannaton te aomata n tuka matena;
E na mate n ai aroia naba maan.
Who We AreWhat We EelieveWhat We Do
2025 by iamachristian.org,Inc All rights reserved.
