1Ao ngke e a tabe n rikirake te botannaomata i aon te aonnaba, ao a karikiia natiia aine,
2ao iai tabeman natiia kaaini karawa aika mm'aane ake a noriia ataeinaine aika tikiraoi aikai, ao a karekei buia i buakoia.
3Ao i mwiin anne, ao E taku te Atua, “N na kauarerekea maiuia aomata, b'a bon rab'ata ngaiia. Ni moa man te tai aei, ao a nang aki manga raka ririkin maiuia i aon 120 te ririki.”
4Ao a mena i aon te aba aomata aika taian toa ni boong akekei, ake aia kariki taian aine ake bon aomata ma natiia kaaini karawa. Ao boni ngaiia aomata aika a kakannato ma ni korakora n taai ake ngkoa.
5Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,
6ao moan te rawawata nanona i rouia ngke bon tiaki arei bukin karikaia nako aon te aonnaba. Ao E rangi n rawaawata nanona iai.
7Ma ngaia are, E a taku, “N nang kamaunaiia aomata aikai ake I a tia ni karikiia, n reitaki naba ma maan ni kabane aika kawakawa ma aika kibakiba, e bon raoiroi riki ngke I aki karikiia.”
8Ma bon ti Nooa are E kukurei te Atua i rouna.
Nooa9Aio rongorongon Nooa. Bon iai natina mm'aane aika teniman aika Tem, Aam ao Iabeta.
10Bon akea ana kaairua Nooa, ao bon ti ngaia te aomata ae e raoiroi n ana tai. E maiu n reitaki raoi ma te Atua,
11ao a bane ni buakaka aomata ni kabane i matan te Atua, ao e tieuataake karaoan te m'akuri n iowawa n taabo nako.
12Ao E tarataraa te aonnaba te Atua, ao E nooria b'a e a rangi ni buakaka, b'a a bane ni maiuakina te maiu ae buakaka aomata ni kabane.
13Ao E taku te Atua nakon Nooa, “I a tia ni baaireia b'a N na kamaunaia aomata ni kabane. N na tiringiia n akea nikiraia, i bukina ngkai e a onrake te aonnaba n aia m'akuri ni kakam'arua.
14Ko na karaoa am kaibuke man te kai ae e raoiroi; karaoi taian ru i nanona, ao kabira nanona ma tinanikuna n te taa.
15133 te miita ab'akina, ao 22 te miita rababana ao 13 te miita rietana.
16Karaoa autina i aona, ao karekea te uki i marenan autina ma oon rarikina n te m'aiti ae 44 te tientemiita. Karaoi 3 bwiana, ao karaoa mataroana i rarikina.
17N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.
18N na karaoa te boraraoi ma ngkoe. Ko na rin ma buum, ao natim mm'aane ma buuia i nanon te kaibuke.
19Ko na katokai i rarikim i nanon te kaibuke maan aika kawakawa n aekaia nako,
20ma mannikiba n aekaia nako, aika mm'aane ma aine b'a a aonga ni maiu.
21Ko na uoti naba am'arake n aekaia nako b'a kanam ma taiani man.”
22Ao e karaoi b'aai ni kabane Nooa n aron are E tuangaki iroun te Atua.
Who We AreWhat We EelieveWhat We Do
2025 by iamachristian.org,Inc All rights reserved.
