1N na karaoiroa te UEA ni maiu;
ma b'ain nanou ni kabane, karaoiroa arana ae tabu!
2N na karaoiroa te UEA ni maiu,
ao N aki m'anuoki ana akoi ni bane.
3E kab'arai am bure ni kabane;
ao E kamaiuko man aorakim ni kabane.
4E kawakina maium man te mate,
ao E kakab'aiako n ana tangira ma ana nanoanga.
5E anganganiko baika raraoi ni bongini maium,
B'a e aonga n teimatoa marurungin rab'atam kanga ai aron te ikare.
6A raraoi ana motikitaeka te UEA nakoia akana karawaawataaki ni kabaneia,
Ao E buokiia ni katei raoi aroia.
7E kaoti ana babaire nakoni Moote,
ao ana m'akuri ni kamaiu nakoia Iteraera.
8E nanoanga te UEA ao E tatangira;
E iremwe n un ao E on n te Tangira ae Teimatoa.
9Tiaki n ae E na teimatoa arona ni boaa te aba,
Ke e na reiti nako unna n akea tokina.
10E aki kareke kaira n ai aron ae bon riai n reke nakoira,
Ao E kaboi mwin ara bure ma ara kairua n tiaki booia ni koaua.
11Rababan ana tangira te UEA
kanga ai aron rietaatani karawa mai aon te aba.
12Raroani mainiku mai maeao,
kanga ai aron raroan ara bure ni kam'awaki mai roura iroun te UEA.
13Aron te karo n ataataiaomata nakoia natina,
Ao ai aron naba te UEA n ataataiaomata nakoia akana karinea.
14E atai aroni karikara;
E ataira ae bon te bubu n tano ngaira.
15Ngaira aika aomata, kanga ai aron te uteute.
Ti rikirake ni maiu raoi kanga ai aron te uee:
16E ukaki n te ang, ao e ubara nako
e aki manga noraki.
17E teimatoa ana ataataiaomata te UEA nakoia akana karinea;
Ao E teimatoa arona n raoiroi nakon te rorona ma te rorona
18irouia ake a kakaonimaki nakon ana boraraoi,
Ake a teimatoa n ongeaba nakon ana taeka.
19E kaaki ana kaintokanuea te UEA i karawa;
E uea i aoni b'aai ni kabane.
20Karaoiroa te UEA, ngkami aika anera aika kam korakora,
Aika kam ongeaba nakon ana taeka
ao kam ongora n te bae E taekinna.
21Karaoiroa te UEA, ngkami akana
kam rangi ni m'aiti kurikuri
Akana kam toro i rouna ma n ongeaba i rouna.
22Karaoiroa te UEA, ngkami akana ana karikib'ai
n taabo nako ike E tautaeka iai.
N na karaoiroa te UEA ni maiu.
Who We AreWhat We EelieveWhat We Do
2025 by iamachristian.org,Inc All rights reserved.
