Itaia 30 - Kiribati New Version Bible

Kam Na Aki Kaantaningaa Buokami Mai Aikubita

1Aio ana rongorongo te UEA i bukiia ana Aomata aika a kamangao:

Kam iri oin ami babaaire

ao kam aki iri au babaaire;

kam karaoi taiani boraraoi i marenami ma tautaeka tabeua

ao kam titirakinai moa,

ao kam teimatoa ni buubure.

2Kam onimakina Aikubita i bukin kamanoami.

Ma ngaia are, kam rawa nakon au babaaire.

ao kam kanakoia ami taan uarongorongo nako Aikubita

ni buubutiia aia uea buokami.

3“Ane ana b'ara nanomi,

ma ni kamaamaaeaki

i bukin onimakinan Aikubita.

4E roota te kaawa are Toan ni bo nako aiaki ni karokoa Aneti m'aakan te uea.

5Ma e bon aki konaa ni kamanoko Aikubita,

ao onimakinan te botannaomata anne

bon te m'akuri ae akea manenana ao te m'akuri n nanobaba.”

6Aio rongorongoia

manin

te Rereua are maiaki:

“Ngkami aomata aika kam uouoti kaub'aimi

i aon taian aati ma kamero.

Kam m'ananga nakon te botannaomata ae e mamaara

ri nanon te rereua ae e kaangaanga

ae e onrake n taian raian

ao taian raakon aika a tiritiri aika a kiikiba.

7E aki konaa ni buokiko Aikubita!

Ao bon anne bukina ae I arana te botannaomata anne b'a

te manni kaakang ae akea ana i buobuoki.” E rawa Iteraera N Kakaauongo

8E tuangai te UEA b'a N na korea te rongorongo i bukiia ana Aomata aei, b'a e aonga ni meemena ikekei n aki tootoki.

9A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

10ao a tia n taetae ni kaangai nako ia ana tia uarongorongo nako ma ana burabeti nako:

Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

11Ani katoka te b'ai ae e a tia n taekinna te Atua! Ti aki kani manga ongo taekan Atuaia Iteraera ae e tabu.

12Ao ngkai aio ana kaeka

Atuaia Iteraera ae e tabu:

“Kam katinanikui au rongorongo,

ao kam onimakini m'akuri n iowawa

ao taiani kewe.

13Ti te bo te bure aei ma te tabwena

are e karika waekoani b'akan ao maenikunin

14te oo ae e rietaata

kaanga te boora ae e manatua.

Bon akea m'akorokorona

ae e tau buuburana i bukin uotakin te kooro ae e buee

ke ni ititiia te ran ni kanakoa.”

Onimakina te UEA

15E a tia n tuangiira ni kabane

te UEA ae E tabu ae Atuaia Iteraera ni kaangai,

“N na kaawakiningkami

ngkana kam oki Nakoiu

ma ni karau nanomi.

N na manga kakorakoraingkami

ngkana kam nanoraoi n onimakinai.”

Ma i mwiina kam a manga bonotaninga

16ao kam taku,

Ti aki! Ti na bon maiu ngkana ti biri nako n rawei maiura

i aon aoti aika a biri m'aaka.”

Ma ane a na biri m'aaka riki

akana kakioingkami.

17Ngkana ti tabeman b'a ti niiman

ke ti temanna,

e na bon tau i bukin

kakioakiia teuana tengaa mai roumi.

N tokina, ti nikiraia

ake a reke maiuia bon ti tabeman aika a tiku n timoimoi kaanga kain te buraeki

i aon te tabuki ae e rereua aona.

E Na Kaota Ana Tangira Te UEA

18E tataninga te UEA ae te Atua

ni kaota m'aitin ana akoi

ao n nanoangaingkami.

E aki toki te UEA ni kaakaraoa ae e raoiroi;

e kakab'aiaia akana a onimakinna.

19Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

20E a tia n anganingkami te kangaanga ma te nanokawaki te UEA n aron te am'arake ma te mooi. Ma kam na manga noora naba riki te UEA, ami tia reirei, ao E na kairingkami.

21E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

22Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

23E na kanakoa te karau te UEA b'a e na teboki taian Atiniberita akana iroum-a na manga kariki riki taian uaa am tawaana nako nakon are ko bon tangiria, ao a na am'arake am nanai ni kao n taian tabo n uteute aika a tangaina.

24Ao a na am'arake naba taiani kao m'aane ao taian aati ake a kamaraua aia tawaana n taiani uita aika a rangi n raraoi.

25Ane a na tiringaki aomata ma n uruakaki taian taua n te bong arei, ma a na raanga taian karaanga n ran man taian tabuki ao maunga aika a rietaata.

26Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

E na Katuaaeaki Aturia

27E a roko te UEA

man te tabo ae e raroa

ma unna ae e korakora

ao te bubu n nang ae matenten.

E waerake uran ana taeka n un

kaanga ai aron te ai ae e urub'ai;

28E katinakoa ikeikena b'a te ieka

are e iabuti rake nakon te roroa.

E raumeaia botannaomata

ao e kamaunaiia.

Ao e kaaki taian bwe ni kairiiri i nanoni wiia ianena ni kabane

ao e kairiia nakon te kabuanib'ai.

29Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

30E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

31Ngkana a ongo b'anaan bain te UEA kaain Aturia ma n nooria n oro n okona te biti, ao ane a na maaku.

32E na buakaniia n te buaka, ao ni katoa oreakiia i rouna, ao e na riki b'a tangin taian timbere ao taian aabi.

33N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.