Etira 2 - Kiribati New Version Bible

Araia Ao M'aitiia Aomata Ake a Oki man te Kataenikaiaki(Neemia 7.4-73)

1E a tia uean B'aburon are Nebukaneta n tauia kaain Iuta aika a bati, ao e uotiia nako B'aburon b'a ana taenikai. I aoni kawaia ngkai n okira Ierutarem ma oin aia kaawa nako i aon Iuta.

2Aikai naake a tararuaia koraki ake a oki rikaaki: Terub'abera, Iotua,

3Neemia, Teraia, Reeraia, Moretekai, Biretian, Mitib'ara, Bikewai, Reum, ao Baana.

4Aikai araia ma m'aitiia te koraki ake a oki mani m'akoron nako aia utu n tatabeua nako:

5uoua tengaa tebubua itingaun ma uoman man te utu are Baroti;

6tenibubua itingaun ma uoman man te utu are Tebatia,

7itibubua itingaun ma niiman man te utu are Ara,

8uoua tengaa wanibubua tengaun ma uoman ana kariki Ietua ao Ioaba man te utu are Baata Moaaba;

9teuana tengaa uabubua nimangaun ma aman man te utu are Eram;

10ruabubua angaun ma niiman man te utu are Tatu;

11itibubua onongaun man te utu are Takai;

12onobubua angaun ma uoman man te utu are Bani;

13onobubua uangaun ma teniman man te utu are Bebai;

14teuana tengaa uabubua uangaun ma uoman man te utu are Atikata;

15onobubua onongaun ma onoman man te utu are Atonikam;

16uoua tengaa ao nimangaun ma onoman man te utu are Bikewai;

17abubua nimangaun ma aman man te utu are Arin;

18ruangaun ma waniman man te utu are Atera; e ataaki naba n arana ae Etekia;

19tenibubua uangaun ma teniman man te utu are Betai; tebubua tengaun ma uoman man te utu are Iora;

20uabubua uangaun ma teniman man te utu are Atum; ruangaun ma niman man te utu are Kib'a.

21Aikai araia ma m'aitiia aomata ake a oki ake a nako ngkoa aia bakatibu man taian kaawa aikai:

22tebubua uangaun ma teniman man te kaawa are Betereem;

23nimangaun ma onoman man te kaawa are Netob'a;

24tebubua uangaun ma waniman man te kaawa are Anatota;

25angaun ma uoman man te kaawa are Atimaweta;

26itibubua angaun ma teniman man te kaawa are Kiriataim, Kebira, ao Beerota;

27onobubua uangaun ma temanna man te kaawa are Ram'a ao Keeb'a;

28tebubua uangaun ma uoman man te kaawa are Mikemati;

29uabubua uangaun ma teniman man te kaawa are Betaera ao Ai;

30nimangaun ma uoman man te kaawa are Nebo;

31tebubua nimangaun ma onoman man te kaawa are Makebiti;

32teuana tengaa uabubua nimangaun ma aman man te kaawa are Eram are teuana;

33tenibubua uangaun man te kaawa are Arim; itibubua uangaun ma niiman man te kaawa are Rote, Arita, ao Ono;

34tenibubua angaun ma niiman man te kaawa are Ieriko;

35ao tenua tengaa onobubua teningaun man te kaawa are Tenaa.

36Aikai araia ma m'aitiia ake a oki man aia utu ibonga: ruabubua itingaun ma teniman ake ana kariki Ietua man te utu are Ietaia;

37teuana tengaa ao nimangaun ma uoman man te utu are Immera;

38teuana tengaa uabubua angaun ma itiman man te utu are Batura

39ao teuana tengaa ao tengaun ma itiman man te utu are Arim.

40Aikai araia ma m'aitiia koraki ake a oki man utuia nako kanoan Rewi: itingaun ma aman man ana kariki Otawia man te utu are Ietua ao Katemiera;

41tebubua uangaun ma waniman man ana kariki Ataba mairouia taani katangitang ao taan anene n te Tembora;

42ao tebubua teningaun ma ruaman man ana kariki Tiarum, Atera, Taremon, Akuba, Atita, ao Tiobai mairouia taan tei n te Tembora.

43Aikai araia ma m'aitiia utuia taani m'akuri n te Tembora ake a oki ake a riki mairouia aomata aikai:

44Tia, Atuba, Tabaote,

45Keroti, Tiaa, Baton,

46Ribana, Akaba, Akuba,

47Akaba, Tiamrai, Anan,

48Kitera, Kaa, Reaia,

49Retin, Nekota, Katam,

50Uta, Batea, Betai,

51Atina, Meunim, Nebitim,

52Bakebuka, Akuba, Areura,

53Batiruta, Meita, Aretia, Barekoti,

54Titera, Tem'a, Netia, ao Atiba.

55Aikai araia ma m'aitiia ana taani m'akuri Toromon ake a oki ake a riki mairouia aomata aikai:

56Totai, Atobereta, Beruta, Iaara, Tarekon,

57Kitera, Tebatia, Atira, Bokireta Atebaim, ao Ami.

58Bootan m'aitiia ana taani m'akuri Toromon n te Tembora ma ake bon oin ana taani m'akuri ake a oki bon tenibubua ruangaun ma uoman.

59Bootan m'aitiia ake a oki man utuun nako Teraia, Tobia, ao Nekota bon onobubua nimangaun ma uoman, e ngae ngke a aki konaa ni kakoauaia b'a bon kanoan naba Iteraera ngaiia.

60A tia ni maeka ni kaawan nako B'aburon ake Tere Mera, Tere Aretia, Kerub'a, Atan, ao Immera.

61A aki konaa ni kakoauaia b'a ibonga naba utuun nako Abaia, Akoti, ao Baretirai. E iein ana bakatibu Baretirai ma natin Baretirai te aine are mai Kireata ao e katokaa aran ana utu buuna.

62Ma a aki konaa n reke araia utu aika tenua aikai, ao bon akea mai buakoia aika a kariaiakaki b'a a na riki b'a ibonga.

63Ni koauana, ao a tuangaki iroun te koowana ni kaangai, Kam aki konaa ni kang taian am'arake ake taian angab'ai nakon te Atua ni karokoa kam boni kakoaua raoi b'a bon taian ibonga ngkami.

64Bootan m'aitiia ake a oki bon abwi ma uoua tengaa tenibubua onongaun,

65ao i buakoia itiua tengaa tenibubua teningaun ma itiman tooro m'aane ao aine, ao uabubua taani katangitang ao taan anene aika m'aane ma aine.

66Itibubua teningaun ma onoman taian aoti, uabubua angaun ma niiman taiani miure,

67abubua teningaun ma niiman taiani kamero, ao onoua tengaa itibubua uangaun taian aati.

68Ao ngke a roko aomata n te tabo are e tei iai ngkoa ana Tembora te UEA i Ierutarem, ao tabeman mataniwiia utu a anga aia b'ai n tangira b'a e aonga ni konaa ni manga kateaki n te tabo are e bon tei iai ngkoa.

69A anga b'aai ni kabane n aron ae a konaa, ao e a roko n te boota ae m'aitina nimabubua te kirokuraem te koora, uoua tengaa wanibubua itibwi te kirokuraem te tirewa, ao tebubua niiniiraia ni ibonga.

70Ao a bane n okiri aia kaawa nako aomata man taabo ake a bon nako mai iai aia utu nako, n reitaki ma taian ibonga, kanoan Rewi, taani katangitang ao taan anene, taan teiakina te Tembora ao taani m'akuri.