1.I-Tetaronike Taekan te Reta aei - Kiribati New Version Bible

Taekan te Reta aeiE katea te ekaretia i Tetaronike B'auro i mwin kitanakin Biribi. Tetaronike boni kawan atun te tautaeka n Rom n te tabo ae M'aketonia. Iai I-Iutaia ake a un irouni B'auro i bukin tataekinan te euangkerio i rouna nakoia aomata ake tiaki I-Iutaia ake a moanna n nano n te Aro n I-Iutaia. Ngke e kitana Tetaronike B'auro ao e nako Berea, ao i mwina e roko i Korinto. E a roko ngkanne te rongorongo i rouna ae uotaki iroun raoraona ni m'akuri are Timoteo; ao teuaei e kaongoa B'auro taekan te ekaretia i Tetaronike.E a korea ngkanne te reta aei B'auro b'a e na kaungai nanoia kaain te ekaretia i Tetaronike, ao ni kateimatoaia naba n aia onimaki. E kaitau i bukin aia onimaki, ma aia tangira are a roko taekaia i rouna; ao e kauringiia aroni maiuna ngke e mena i rouia, ao e kaekai taian titiraki ake a tabekaki i bukini manga okini Kristo. E tuangiia naba b'a a na karaoi aia m'akuri ma te rau, ni kakantaninga manga okini Kristo.Oi n iango i aon te boki aeiTaeka ni Kamauri 1.1-3

Aia Onimaki I-Tetaronike ao Aroia aika na Katotongaki 1.4—3.13

Te Maiu ae Kukurei iai te Atua 4.1-12

Taeka n Reitaki ma Okin te UEA 4.13—5.11

Kabanea n Taeka n Reirei ao Taeka ni Kamauri 5.12-28