1Boni katebwinan bongin te ririki ae e boou, are bon te kauabwi ma nimaua n ririki i mwiin anaakira b'a taenikai ngaira ao te katebwi ma aua n ririki i mwiin tauan Ierutarem. E niniai m'aakan te UEA n te bong anne, ao E kairai nako.
2I nanoni miiu E kairai te UEA nako abaia Iteraera ao e uotai nakon te maunga ae moan te rietaata. I noori i matau taian auti aika a m'aiti ae kaanga ai aron te kaawa ae e buubura.
3E uotai ni kaaniai riki ao I noora te m'aane ae e raitiiti kaanga te buraonti ae e karaneaneaaki. E tei te aomata arei i rarikin teuana mai buakon taian mataroa ao e taua baairean te anaanau ni baina are teuana ao te kai ni baina are teaina.
4E taku te m'aane arei, “Etekiera, ae natin te aomata, karekea raoi matam ni b'aai nako aika N na kaoti nakoim, bon anne bukina ngkai ko kairaki nako ikai. Kakauongo raoi, i bukina b'a ko na manga tuangiia aomata te b'ai ae ko nooria.
Te Mataroa Are i Mainiku5Te moan b'ai are I nooria bon te oo are mai tinaniku are e katobibia ni kabane rarikin te Tembora. E anaa ana kai ni baaire te m'aane arei, are tenua te miita ab'akina, ao e baairea iai te oo; ao bon tenua te miita rietana ao tenua te miita matenna.
6Ao i mwiina, e a manga nakon te mataroa are e kaaitaraa mainiku. E waerake n te kainararake, ao e baairea te kawai n rin, ao bon tenua te miita nanona.
7I akuun riki anne, bon iai te kawai ae e iriraki, ae iai kakatenua taian ruu n tei n iterana ake uoua. Ti te bo rababan ma ab'akin ruu akekei n tatabeua nako b'a tenua te miita n te ruu teuana, ao matenin taian oo ake i marenaia bon uoua ma te iterana te miita. I akuun riki ruu akanne bon iai te kawai ae e irariki ae tenua te miita ab'akina ae e nakon ruun te mataroa n rin are e kaaitaraa te Tembora.
8E anaa ab'akin te ruu aei, ao bon aua te miita man te kawai n rin nakon te oo are e n iterana are teuana,
9ao raroan te mataroa n rin nakon te oo ake n iterana ake uoua bon teuana te miita.
10Ti te bo buuburan te ruu n tei are n iteran te kawai are teuana ma te ruu n tei are n iterana are teuana, ao te oo are e kaokoroia bon ti te bo naba matenna.
11I mwiin anne, e anaa raababan te kawai ao bon onoua ma te iterana te miita, ma bon ti nimaua te miita warebwen taiani mataroa ake uoua.
12I matan taian ruu n tei ake kaka tenua te miita rababaia ma anauia bon te marena ae e kaaniia nimabwi te tientemiita rietaatana ao nimabwi te tientemiita raababana.
13Ao e anaa marangana man te oo are mai buki man teuana mai buakon taian ruu akekei ni karokoa te tabo naba ai aron arei n te ruu are teuana n are n iteran te kawai are e irariki arei, ao bon tebwi ma uoua ma te iterana te miita raroana.
14E anaa ab'akin te kawai n rin man tokin te kawai are e irariki, ao bon tebwiina te miita ab'akina.
15Ni kabaneana, e a manga anaa bootan ab'akin te kawai are e irariki arei, man te oo are mai tinaniku nakon ruun te kawai n rin, ao bon uabwi ma nimaua ab'akina.
16Bon iai winto aika a uarereke n oon taian ruu n tei ake tenua, kaanga ai aron are teuana are n ruun te kawai n rin. A katamaroaaki oon te kawai are e irariki ni bannan taian baam.
Te Oo Are Mai Tinaniku17Ao e kairaki te m'aane arei i nanon te kawai are e irariki arei ni karokoa tinanikun katawanangin oon te Tembora, ike I noori iai tenibwi taian ruu aika a kateaki ni katobibia katawanangin oon te Tembora. A nim taian ruu aikai ma oon tinaniku, ao iai te tabo ae e rabunaki aona n taian bonobono aika a raababa ae e katobibia katawanangin oon te Tembora.
18E aranaki te tabo aei b'a te tabo ae e rabunaki aona n atiibu aika a raababa i nano, ao warebwena bon uabwi ma nimaua te miita.
19Ao I noora te mataroa n rin nakon katawanangin te Tembora ake a rietaata riki nakon taian mataroa nakon katawanangin oon te Tembora. E baairea marenan te mataroa are mai tinaniku ma te mataroa are mai nanona, ao bon nimabwi te miita raroaia.
Mataroa Ake mai Meaang20I mwiin arei, e a manga baairea te mataroa are i meaang are te mataroa nakon katawanangin oon te Tembora.
21Bon tenua naba aia ruu taan tei iai n iteran te kawai ae e irariki ake uaitera. Bon ti te bo raoi baairean taian ruu aikai, taian oo ake i marenaia, ao ruun te kawai n rin are i tabon te kawai ae e irariki ma baairean taian mataroa ake i mainiku. Mataroan meaang bon uabwi ma nimaua te miita ab'akina ao tebwi ma uoua ma te iterana te miita rababana,
22ao taiani winto, ruun te kawai n rin ao bannan taian baam bon ti te bo raoi ma ake ni mataroan mainiku. E kaitaraa naba katawanangin te Tembora ao iai kaintam'arakena aika itiua m'anekana ni waerake.
23Bon iai te mataroa nakon katawanangin te Tembora ae e kaaitaraa raoi katawanangin oon te Tembora, kaanga ai aron raoi are n te mataroa are i mainiku. E anaa baairean te raroa i marenan te mataroa are i tinaniku ma te mataroa are mai i nanona, ao bon nimabwi te miita ab'akina.
Mataroan Maiaki24E kairai te m'aane arei nakon te mataroa are i maiaki. E anaa ab'akin taian oo ao ruun kawai n rin n te mataroa arei, ao bon ti te bo baaireana ma taiani mataroa ake uoua.
25Bon iai taiani mataroa n taian ruu n tei n te mataroa aei n ruun te mataroa, n ai aron ake tabeua, ao bon uabwi ma nimaua te miita ab'akina ao te itera ni miita rababana.
26Itiua te kaintam'arake ni waerake nakon te mataroa; ao e mena ruun te kawai n rin n tabon te kawai are irariki are e raroa ao e kaaitaraa katawanangin te Tembora. E katamaroaaki n taian oo ake i rarikin te kawai are e irariki ni bannan taian baam.
27Ao n iteran raoi katawanangin oon te Tembora bon te mataroa are e mena i maiakin katawanangin te Tembora. Ao te m'aane arei, e anaa raroan katawanangin oon te Tembora ma katawanangin te Tembora, ao bon nimabwi te miita.
Te Mataroa Nakon Katawanangin Te Tembora28Ao i mwiina, ti nako n rin nakon katawanangin te Tembora, ri nanon te mataroa are i maiakin te Tembora. E anaa buuburan te mataroa, ao ti te bo buuburana ma taiani mataroa ake n oona i tinaniku.
29Ni koauana raoi, bon ti te bo b'aai ni kabane ake n te kawai are e irariki, n reitaki ma aia ruu taan tei, taian oo ake i nuukaia, ruun kawai n rin ake i tabona are e raroa, ao taian winto.
30Ti te bo te mataroa aei ma ake tabeua, b'a uabwi ma nimaua te miita ab'akina ao tebwi ma uoua te miita rababana.
31Ruun te kawai n rin n te mataroa aei, e kaaitaraa katawanangin oon te Tembora, a katamaroaaki oon te kawai are irariki ni bannan taiani baam. Wanua kaintam'arakena nakon te mataroa aei.
32I mwiina, ti m'ananga ri nanon te mataroa are i mainiku nakon katawanangin te Tembora. E anaa ab'akin te mataroa te m'aane arei, ao ti te bo arona ma ake tabeua.
33Ti te bo naba baairean taian ruu n tei, ma taian oo ake i marenaia, ao ruun te kawai n rin ma taian mataroa ake tabeua. Bon iai naba wintoon aia ruu taan tei ao ruun te kawai n rin, ao ab'akin te mataroa bon uabwi ma nimaua te miita ao rababana bon tebwi ma uoua ma te itera ni miita.
34E kaaitaraa katawanangin oon te Tembora ruun te kawai n rin, ao a katamaroaaki oon kawaina are e irariki ni bannan aroka aika taian baam. Bon iai naba kaintam'arakena aika wanua aika a tam'arake nakon te mataroa aei.
35Ao i mwiina, e kairai nakon mataroan meaang. E anaa baaireana ao bon ti te bo ma ake tabeua,
36n reitaki ma taian ruu n tei, taian oo ake i marenaia, ao ruun te kawai n rin. Ao bon iai naba taian winto n te mataroa aei. Ab'akina bon uabwi ma nimaua te miita ao tebwi ma uoua te iterana te miita rababana,
37ao ti te bo ma mataroan nanona ake tabeua, are e bon kaaitaraa naba katawanangin oon te Tembora ruun te kawai n rin, ao a katamaroaaki oona nako ni bannan aroka aika taian baam. Wanua kaintam'arakena are e waerake nakon te mataroa aei.
38Iai te auti ae e uarereke ae e nim ma te mataroa are mai meaang. E uki nakon ruun te kawai n rin are e kaaitaraa katawanangin oon te Tembora, ao a kaitiaki iai maan ake a tiringaki b'a a na kabuokaki b'a te karea are kakukureian te UEA.
39Bon iai taibora aika aua, uoua n iteran te ruu teuana. Bon te taibora aei are a titiringaki iai maan ake a na kareanaki, b'a te karea are kakukureian te UEA ke te karea i bukin kaetan b'aai.
40Iai riki aua taibora ni katawanangin oon te Tembora, uoua n iteran te kaintam'arake are e waerake nakon ruun te kawai n rin, ao uoua n iteran naba te kaintam'arake anne are te iterana.
41Ma ngaia are, bootan taian taibora bon wanua, aai i nanona, ao aai i tinaniku, ike a tiringaki iai maan,
42Bon taian atiibu aika a koreaki taian taibora ake aai ake n te ruu are e uarereke ake a kamanenaaki i bukin katauraoan taiani karea ake kakukureian te UEA. Ab'akiia bon nimabwi te tientemiita rietaia, ao taboia bon uabwi ma nimaua te tientemiita rababaia ma ab'akiia. A bane ni kaawakinaki b'aai ni kabane ake kamanenaaki i bukin tiringakin maan ake a na kareanaki i aon taian taibora aikai.
43Iai mataniwiin taibora aikai ae e rine nako ae rababana bon itibwi ma nimaua te mirimiita ni katobibia mataniwiin taian taibora aikai. A bane ni kaawakinaki taian iriko ni man ake a na kareanaki i aon taian taibora aikai.
44E kairai te m'aane arei nakon katawanangin te Tembora, ike I a noori iai uoua taian kateitei, teuana i rarikin mataroan nanona are e mena i meaang ao are teuana i rarikin mataroan nanona are i maiaki.
45E taku, “Aia b'ai ibonga ake a m'akuri n te Tembora te kateitei are i rarikin mataroan meaang,
46ao te kateitei are i rarikin te mataroa are i maiaki bon aia b'ai ibonga ake a m'akuri n te baonikarea. Kanoan Tatoka ngaiia ni kabane bon ti ngaiia kanoan Rewi aika a kariaiakaki b'a a na riki b'a ana ibonga te UEA.
47Ao n te tai aei, e anaa baairean katawanangin te Tembora te m'aane arei; ao bon nimabwi te raababa ma te anaanau. Ao I noora naba te baonikarea i matan te Tembora.
48Ao ti nakonako nakon kamanin te Tembora, ao te m'aane arei, e anaa baairean te kaman: ao bon itiua te miita ab'akina, ao uoua ma te iterana te miita rababana, ao te raroa man te mataroa n rin nakon te oo n iterana ake uoua bon teuana ma te iterana te miita.
49Buuburan te kaman n ti ngaia bon tebwiina te miita ab'akina ao onoua te miita rababana, ma taiani kaintam'arake aika a waerake nako iai. Bon kakateaina te boua n iteran taian kaintam'arake ake uoua.
Who We AreWhat We EelieveWhat We Do
2025 by iamachristian.org,Inc All rights reserved.
