1A tataekina mimitongin te Atua
taiani karawa,
Ao a kaotioti baika E a tia
ni karaoi taian nang.
2A tataekina te koaua aio n te
ngaina ae koraki,
Ao a kaotiotia ni katoa tairiki,
b'a a tauaki taekaia iroun te Atua.
3E boni ngae n akea aia taeka ke
b'anaaia ae e ongo te aba iai,
4Ma e roti taabo nako
i aonnaba te
baere a kaotiotia n akea temanna
ae na aki ataia.
E a tia te Atua ni karaoa
nen taai i karawa;
5E oti nako mani nena n te ingabong,
b'a kanga ai aron te m'aane ae kukurei b'a e a tib'a iein,
Ke te tia biri ae e ingainga nanona ni kani biri n tain te kabobirim'aka.
6E oti n te ingabong n iterani karawa
are te iterana nakon are te iterana,
ao bon akea te b'ai teuana ae aki rotaki ni kabuebuena.
7Moan te raoiroi ana Tua te UEA;
E karika te maiu ae boou.
E teimatoa n aki totoki ana taeka n reirei te UEA;
E kawanawana ane e roo nanona.
8A koaua ana taeka n reirei te UEA,
Ao a kab'aia ake a iri nanoia.
E aki bangaomata ana taeka n reirei te UEA,
Ao e karekea te atatai nakoia aomata.
9Te b'ai ae e raoiroi karinean te UEA:
E na kakaraoaki n aki toki.
A eti ana Moti te Atua;
a aki nanonano.
10E korakora riki kani karekeaia nakoni kani karekean te koora ni koaua;
E raka riki reken te kukurei mai iai
nakon te kukurei ae reke mani kanakin
aia karewe manibeeru ae moan te kangkang.
11A karekea te atatai nako iu, ngai ae am Toro;
ao e reke kab'aiau n iran nanoia.
12Antai ae kona n nora oin ana kairua?
Kamaiuai mani karaoani baika I aki atai b'a a buakaka!
13Kawakinai naba mani karaoani baika I atai b'a a bure;
Tai kariaia b'a a na tautaeka i aou.
Ao N na riki ni moan te raoiroi
Ao N na kamaiuaki mani buakakan te bure.
14A bia riki au taeka ma namakin aika
nako mai nanou b'a kakukureiam,
te UEA ae te tia kamanoai
ao au tia kamaiu!
Who We AreWhat We EelieveWhat We Do
2025 by iamachristian.org,Inc All rights reserved.
