I-Karatia Taekan te Boki Aei - Kiribati New Version Bible

Taekan te Boki AeiNgke e a moanna n raababa nako taekan te Euangkerio, ao a m'aiti aomata aika tiaki I-Iutaia aika butim'aea te Euangkerio. Iai ake a titiraki b'a tao e riai ke e aki iroun te aomata ae te Kristian b'a e na ongeaba nakon ana Tua Mote, ngkana e na riki b'a te Kristian ni koaua ngaia. E kaota ana iango iai B'auro b'a tiaki te b'ai ae kainanoaki. Te bae tangiraki b'a e na reke iroun te Kristian bon te onimaki, b'a ti ngaia ae e na reke iai reitakin te aomata ma te Atua. Ma bon iai aomata tabem'aang i Karatia ake a eekaanako B'auro, ake a taku b'a e bon riai te Kristian n ongeaba nakon te Tua, b'a boni ngaia kaetan arona n reitaki ma te Atua. A m'aiti kaain te ekaretia i Karatia aika iraraang irouia te koraki aei.E a koreaki te reta aei b'a e na buokiia te koraki ake a iraraang, ni kaokiia nakon te koaua ni koaua are riai ni b'ainaki n te maiu ni Kristian. Ni karaoan aei irouni B'auro ao e moanna moa ni katereterea arona ma ana riai b'a te tia tuatua ngaia ae ana tia tuatua Iesu Kristo. E kaotia b'a e boni weteaki iroun te Atua b'a e na riki b'a te tia tuatua, ma e aki weteaki iroun te aomata; ao ana m'akuri bon i bukiia aomata aika tiaki I-Iutaia. Ao e a waaki i mwina ni katereterea te koaua ae kaangai, b'a te onimaki bon ti ngaia ae e reke iai reitakiia aomata ma te Atua. Ni kabanea ni m'akoro n te reta aei, ao e a kaotia iai B'auro b'a ngkana iai iroun te aomata ae onimaki te tangira are reitaki ma ana onimaki, ao a na bon oti ni maiuna aroaro aika raraoi aika maiu ni Kristian.Aron Teini KanoanaTe Tia tuatua ni Koaua ao te Rongorongo ni Koaua 1.1-10

E Rineaki B'auro b'a te Tia Tuatua iroun te Atua 1.11-24

Te Euangkerio ae Ana Akoi te Atua 3.1—4.31

Oin Taben te Kristian ao Inaomatana 5.1—6.10

Taeka aika Matoatoa i bukiia Taan Reirei ni Kewe 6.11-18