1Tiaki ara b'ai te neboaki!
Boni Ngkoe te UEA,
ae Ko na anganaki te neboaki
i bukin am Kakaonimaki
ma am Atataiaomata.
2A aera botannaomata b'a a na titirakiniira
ni kaangai, E nga Atuami?
3E mena Atuara i karawa;
ni karaoa ae E bon taku.
4A karaoaki atuaia
man tirewa ma koora irouia aomata.
5Iai wiia, ma a aki kona n taetae;
iai mataia, ma a aki noraba.
6Iai taningaia, ma a aki kona n ongo;
iai b'airiia, ma a aki kona n aroboi.
7Iai baiia, ma akea aia namakin;
iai waeia, ma a aki kona n nakonako;
ao aki kona ni kakarongoa.
8Ni kabane aomata ake a karaoi
bouannanti ma n onimakin
bon akea uaaia
kanga ai aroia bouannanti ake akea uaaia.
9Ngkami aika Iteraera,
onimakina te UEA
b'a e na buokingkami mani kawakiningkami.
10Ngkami aika ana utu te ibonga are Aron,
kam na onimakina te UEA
b'a e na buokingkami mani kawakiningkami.
11Ngkami ni bane aika kam taromauria te UEA,
kam na onimakinna
b'a e na buokingkami mani kawakiningkami.
12E uringira te UEA,
ao E na kakab'aiaira;
E na kakab'aiaia te botannaomata ae Iteraera
ma ana utu Aron.
13E na kakab'aiaia aomata n tatabemaniia
nako aika karinea,
aika kakannato ma aika mangori.
14I tataro b'a te UEA
E na karika ami utu
ma ami bakatibu
te marurung n tainako
15Kam bia kakab'aiaki iroun te UEA,
ae karaoa karawa ma aonnaba!
16Ana b'ai karawa te UEA
n ti Ngaia,
ma E anga aonnaba
nakoia aomata.
17A aki kona ni kamoamoa te UEA (Iah)
akana mate.
18Ma ngaira, aika ti maiu, ti na katituaraoia
ngkai ao n aki toki.
Kam na neboa te UEA!
Who We AreWhat We EelieveWhat We Do
2025 by iamachristian.org,Inc All rights reserved.
