1E a rangi ni kaub'ai ngkai Ieotiab'ata ma n tanoata taekana. E tiaaina te boraraoi i bukin te raoi ma uean Iteraera are Aaba ngke e baairea mareakin natina te m'aane ma natin Aaba te aine.
2N te bong teuana, ao e m'ananga Ieotiab'ata ni kawara Aaba n ana kaawa n tautaeka are Tamaria. E tiringiia taian tiibu ma kaao Aaba ao e katauraoa te baka ae korakora b'a karinean Ieotiab'ata ma mataniwi ake raona. Ao Aaba e maroroakina taekan buakanakin te kaawa ae e buubura are Ramota i Kireata,
3ao i mwiina e a bubuti ni kaangai, “Ieotiab'ata, ko aki irai ni buakana Ramota?”
Ao e taku Ieotiab'ata, “Eng, a mena taekaia au taanga ni buaka i nanoni baim.
4Ma ti na riai moa n titirakina te UEA b'a tera ae ti na karaoia.”
5Ao e kawaekoaia abubua taiani burabeti te uea are Aaba ao e titirakiniia ni kaangai, “E riai b'a n na buakana te kaawa are e buubura are Ramota?”
Ao e taku te burabeti, “Eng! E na buokiko te UEA n taua te kaawa anne.”
6Ma e taku Ieotiab'ata, “Ti na bon kakoauaa raoi, e a boni bane ngkai ana burabeti te UEA ae ti na konaa n titirakinna?”
7Ao e taku Aaba, “Ti konaa naba n titirakina te burabeti are Mikaia are natin Imra te m'aane, ma I ririiba Mikaia i bukin ana rongorongo aika buakaka n taai nako nako iu.”
Ao e kaeka Ieotiab'ata, “Ko riai n aki taekina anne!”
8Ngaia are, e a kanakoa temanna Aaba ni kawaekoa Mikaia n te tai ae e waekoa.
9N te tai aei, a kunnikaiia Aaba ma Ieotiab'ata n te niiniira ni uea ao a tekateka i aon aia kaintokanuea n te tabo ni kaaki kunnuita i rarikin mataroan te kaawa are Tamaria, ao a tabe n ongora irouia burabeti ngke a taekin b'aai ake e taekin te UEA.
10Temanna mai buakoia burabeti akekei bon Kenaana are natin Tetekia te m'aane. E a tia ni karaoi taiani koro ni man te biti ao e takaarua ni kaangai, “Aaba, E taku te UEA b'a ko na buakana Turia n ai aron te kao ae iai korona aika taiani biti ma n tiringiia ni kabane!”
11Ao a bane ni boraoi n iango burabeti ma te koaua are e na buakaniia kaain Turia i Ramota te uea are Aaba ao a berita b'a e na buokiia te UEA ni kataenikaiia.
12I nanon te tai anne, ao e wirikiriki te aomata are e kawaekoaa Mikaia nakon Mikaia ni kaangai, “Mikaia, a bane n taekina te rongorongo ae e raoiroi burabeti nakon Aaba. Ma ngaia ae, ko na nako ngkai ao taekina naba ae ti te bo ma ake a tia n taekinaki.”
13Ao e kaeka Mikaia, “N na bon taekina are e a tia n tuangai te UEA ae Atuau ae e maiu b'a n na taekin.”
14Ao e m'ananga Mikaia nakon Aaba, ao e titirakin Aaba ni kaangai, “Mikaia, ti na buakana Ramota ke ti na aki?”
Ao e kaeka Mikaia, “Eng, E na buokiko te UEA n taua te kaawa ane e buubura anne.”
15Ao e takaarua Aaba ni kaangai, “Mikaia, I a tia n tuangko n taai aika a bati b'a ko na tuangai te koaua! Tera ae E a tia n taekinna te UEA nakoim?”
16Ao e taku Mikaia, “I nanon te kaotioti I nooria tautian Iteraera aika a tiotionako, ma ni m'arua i aon taian tabuki n ai aroia tiibu aika akea aia tia kaawakini tiibu. Ao e taku te UEA, “Bon akea aia tia kairiiri te taanga ni buaka aei. A riai n okiri mwengaia ma n aki buaka.”
17Ao e rairaki Aaba nakon Ieotiab'ata ao e taku, “Ao are I a tia n tuangko, b'a e na manga bon taekinii naba rongorongo ae e buakaka nako iu!”
18Ao e kaeka Mikaia:
I a manga noora te UEA n tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.
19Ao e taku te UEA, “Antai i buakomi ae e konaa ni kam'anea Aaba b'a e na nako Ramota ike e na tiringaki iai?”
Ao a maroroakina te b'ai arei tabeua te tai
20ao n tokina ao e a koerake te tamnei temanna ao e taku nakon te UEA, “I konaa ni kam'anea Aaba.”
Ao e taku te UEA, “Ao ko na kangaa ni kam'anea?”
21“N na karaoia ana burabeti Aaba b'a a na manga boni kewea Aaba.”
Ao e taku te UEA, “E raoiroi! Naako ngkai ao karaoa anne, E na bon nakoraoi am m'akuri anne.”
22Aaba, bon aei raoi te b'ai ae e a tia n riki. E karaoia am burabeti ni kabane b'a a na keweniko, ao e ataia b'a ko nang mate n te tai ae e waekoa.
23Ao e m'ananga Tetekia ma n orea taban Mikaia n nanoni baina. Ao e a manga titiraki ni kaangai, “Ko taku n am iango b'a e ti taetae te UEA nako im ao e aki taetae nako iu?”
24Ao e taku Mikaia, “Ane ko na bon ataia n te bong arei ngkana ko karabako n te ru teuana i akuun auti tabeua.”
25Ao e takaarua Aaba ni kaangai, “Katika Mikaia! Uotia nakon te natinuea te m'aane are Ioati ao te koowana are Amon i Tamaria.
26Ao tuangiia b'a a na kainna n te karabuuti ao tai anganna kanana ma ti anganna te kariki ma te ran ni karokoa I oki rikaaki man te buaka ma te maiu.”
27Ao e taku Mikaia, “Ngkana tao arona b'a ko na oki, ao ngaia tao I kaairua n te b'ai are E tangiria te UEA b'a n na taekinna.” Ao i mwiina, e a manga taetae nakoia aomata ni kaangai, “Kam na aki m'aninga te b'ai are I a tia n taekinna!”
Maten Aaba i Ramota(1 Uea 22.29-35)28Ao a kairiia aia taanga ni buaka Aaba ma Ieotiab'ata nako Ramota i Kireata.
29I m'aain are a waaki nakon te buaka, ao e a taku Aaba, “Ieotiab'ata, N na biti kunnikaiu b'a I aonga n aki kinaaki, ma ngkoe ko na bon b'aina niiniiram n uea.” Ao e karaoa ae e na aki kinaaki iai Aaba, ao e nako ni buaka.
30Ao e a tia uean Turia n tuangiia ana mataniwi n taiani kaanibuaka b'a a na ti buakana Aaba.
31Ma ngaia are, ngke a noora Ieotiab'ata ma niiniirana ni uea ao a taku b'a Aaba, ao a moana buakanakina. Ma e tataro Ieotiab'ata, ao E katokiia tautian Turia te UEA.
32Ao ngke a ataia b'a ngaia tiaki Aaba, ao a kiitanna ni katikua n ti ngaia.
33Ao i nanon tain te buaka, ao e a kanakoa ana kanoanikatebe temanna te tautia n aki akaaka, ao e a teke iai marenan biiti ake rabunan b'aab'aan Aaba. E takaarua nakon ana tia kabuta ana kanibuaka ni kaangai, “I a teke! Uotai nako ni kararoaai mai ikai!”
34E bong bongin te buaka arei, ao e tautauaki ni buokaki ni kateaki Aaba i aon ana kanibuaka ni kabongnga, b'a e aonga ni konaa n nooriia aia taanga ni buaka kaain Turia. E tiku ikekei ni karokoa te tairiki, ao ngke e a bung taai ao e a mate.
Who We AreWhat We EelieveWhat We Do
2025 by iamachristian.org,Inc All rights reserved.
