1Ai raoiroira te katituaraoiko, te UEA,
ao te anenea karaoiroan aram,
Ngkoe ae Ko Moa n Rietaata,
2Ao ai raoiroira te tataekina am Tangira n te ingabong ae koraki
ao am Kakaonimaki ni katoa tairiki,
3Ai raoiroira n aneneaki ma tangin taiani
b'ai ni katangitang aika tangi raoi.
4Te UEA, a kakukureiai am M'akuri aika Ko karaoi;
I anene ni kim'areirei i bukini baike Ko a tia ni karaoi.
5Te UEA, ai kamakuraa am M'akuri!
ao ai nanora am Iango nako!
6E aki kona n ataa aio te aomata ae nanobaba;
E aki kona n oota iai te aomata ae aki wanawana:
7A kona n rikirake akana buakaka
kanga ai aroia uteute, ao a maiu raoi;
Ma ane a na kamaunaki n aki toki,
8i bukina ngkai Ngkoe, te UEA, ae te kabanea ni m'aaka n aki toki.
9Noria, ane a na bane ni mate aiam,
ao a na bane n taenikai akana buakaka.
10Ko a tia ni kakorakoraai b'a kanga ai aroni korakoran te kaom'aane ae aki manana;
Ko a tia ni kakab'aiaai ngke Ko kakukureiai.
11I a tia n noriia au kairiribai ngke a taenikai,
Ao I a tia n ongo b'anaaia akana buakaka ngke a taenikai.
12A na maiu raoi akana raoiroi kanga ai aroia kaai aika ai aron te ni;
A na rikirake kanga ai aroni kain aon Reb'anon.
13Ai aroia kaai akana unikaki n ana auti te UEA,
akana maiureirei n te Tembora ae Um'an Atuara;
14A na teimatoa n uaa e ngae ngkana a kai nikawai,
Ao a na teimatoa korakoraia ma mangurorooni baaia.
15E kaotaki n aei b'a E b'ab'aina te eti te UEA,
Ao akea te b'ai ae buakaka iroun te tia kamanoai.
Who We AreWhat We EelieveWhat We Do
2025 by iamachristian.org,Inc All rights reserved.
