1E taku Biretata,
2Tao ana maanra ngkoe ngkana ko taetae
ao n taekina te akea?
3E bon aki kona ni minota te eti te Atua;
E aki kona ni b'aka man karaoan te raoiroi.
4A boni bae n tia ni bure natim nakon te Atua,
ma ngaia are, E katuuaia ni uaan aia m'akuri.
5Ma rairaki ngkai, ao ononiia te Atua ae moan te m'aaka;
6Ngkana ko taku b'a ko raoiroi ma ni kokoaua,
ao E na roko te Atua ni buokiko
ma ni manga anganiko kaain am auti n aron are mai m'aina b'a kaniwangam.
7Kaub'aim ni kabane ake a tia ni bua a na bon aki kona
ni kabotauaki ma kaub'aim akana E na anganiko te Atua n taai aika na roko.
8Tanrikaaki teutana n tarai aia taeka n rabakau ake rimoa,
ao karaua ni iangoi koaua ake a tia n atai ara ikawai.
9A kimototo maiura, ao akea te b'ai teuana ae ti ataia.
Ti m'ananga i aon te aonnaba kaanga te nu.
10Ma ngaia are, reireiniko i rouia aomata ake ngkoa,
ao kakauongo nakon te b'ai ae a kataia n taekinna.
11A bon aki kona ni maiu taian maunei n te tabo ae akea te ran iai;
a bon aki kona n nooraki n te tabo ae aki aoneinei.
12Bon ngaiia aika a na moan rai ngkana akea te ran,
e ngae ngkana a uarereke b'a a tuai n tai n te koreaki ni kamanenaaki.
13Ai aroia maunei aikai aomata aika akea atuaia,
n te tai are a m'aninga iai taekan te Atua.
14A onimakina karain
ngaon ten takareau.
15E kona ni kateimatoaia ngaon ten takareau ngkana a mwiokoia?
E kona ni buokia ngaon ten takareau ngkana a nimtia?
16Aomata aika buakaka kaanga ai aroia uteute aika akea bonganaia
aika taakini baaia i aan te riringa ma ni kaona nanon te onaroka.
17A rab'ati taian atiibu wakaaia,
ao a taui ni kamatoai taiani b'a ni kabane.
18Ao i mwiina, a taekaki nako man te tabo are a mena iai,
ao akea temanna ae ataia b'a a mena ngkoa ikanne.
19Eng, bon ti anne kukureia aomata aika buakaka;
ma a roko tabeman n tuki aia tabo.
20Ma e na bon aki kitana te aomata ae kakaonimaki te Atua,
ke ni buoka te aomata ae buakaka.
21E na manga kangareko n takaarua te Atua,
22Ma e na karokoa te kamamaaeaki i aoia aomata aika riribaiko,
a na mauna nako aia auti aomata aika buakaka.
Who We AreWhat We EelieveWhat We Do
2025 by iamachristian.org,Inc All rights reserved.
