1Ko na aki karaoa am bukamaru Iteraera
ke ni kakarongoa
n aroia botannaomata ake tem'angina.
Ko a tia n aki kakaonimaki
nakon Atuam.
Kam karaoa kateia ainen matawa
ngkana kanakoaki kunin te uita
b'a kam kukurei
n te m'ane are kam karekea.
2Ma e na karako m'aitin
te uita ma te wain,
3ane kam na kiitana
aban te UEA.
A na nako tabeman mairoumi nako Aikubita;
ao tabem'aang a na nako Aturia
ni kang am'arake aika a aki itiaki.
4Kam na aki konaa n anga
te karea are te wain
nakon te UEA.
Bon akea mai buakon ami karea
ae N na kukurei iai
a na aki itiaki
n aekakin taian am'arake ake e anga te aba nakoia maate.
A na ti kabonganaaki kanami
i bukin katokan bakimi;
ao akea mai iai ae e na uotaki
nakon Ana tembora te UEA.
5Ane kam na aki konaa
ni bukamarua ana Toa
te UEA.
6E ngae naba ngkana ko biri nako ni maiu,
ko na bon toki naba i Aikubita.
ao n taunaki i Membiti.
kaub'aim aika tirewa
a na bua i buakon uteute;
aika bwebwerake n am autinrianna nako.
7Iteraera, e a roko te tai.
E na bon okiriko te b'ai are ko bon kaantaningaia,
ao ko bon ataia.
Ko taku, “A nanobaba burabeti,
ao a rangirang ana tia uarongorongo te Atua.”
E a tia am kaairua ae e kakamaaku
ni kaoniko n te riribai.
8Iteraera, e kanakoai te UEA
b'a N na tararuaiko.
Ma ko kam'aneia ana burabeti nako
ao ko kaona ana tembora
n te riribai.
9Ko tiritiri ao ko akiako,
n aroia m'anen Kibea.
Ma E uringa ami bure te Atua,
ao E na katuaaeko.
Tokin Te Bure Aika A Kakamaaku10Iteraera, ngke I kuneko ngkoa
Ngai ae te UEA,
ti te bo ma kunean te kureebe
i nanon te rereua ae akea kain aona
ke uaan te biiku aika a uarereke aika a kangkang.
Ao i mwiina, ko taromauriia B'aara-Beora,
te bouannanti ae rangi n ribaaki,
ao ko bon kamamaaeko kaanga
te bouannanti are ko tangiria.
11Ma ngaia are, Iteraera, e a tia ni kiba nako
mimitongim kaanga te mannikiba
a na aki konaa am aine
ni manga karika natiia.
12E ngae ngkana iai natimi,
N na anai ni kabane
ma ni katikuingkami ma te tang.
N na tannako,
ao ko na inako rikaaki
i nanon te kanganga ae e korakora.
13Iteraera, ngke I moan kaaitibo ma ngkoe
I iangoiko b'a kaanga taian kai te baam
aika a maiu n te tano ae raoiroi tanona.
Ngkai ko kairiia am aomata ni kaotinakoia,
ti i bukina b'a a aonga n tiringaki.
Ana Taeka Otea14Ara UEA, karaoa te b'ai teuana
i bukiia am aomata
karaoia aia aine b'a a na aki konaa
ni karikiia natiia
ke ni kaawakiniia natiia.
Ana Motikitaeka Te UEA I aon Iteraera15Iteraera, I moanna
n ribaiko i bukina
b'a ko karaoa te b'ai ae e buakaka i Kirekara.
Ngkai N nang kakionakoingkami
man Au auti.
N na aki manga oki n tangiriko:
a tia ami taani kairiiri ni keweai.
16Iteraera, bon te kai ae te kureebe ngkoe
ae e m'autakataka wakaana
ae akea uaan m'aangana nako.
E ngae ngke iai riki natimi
ao kam rangi n tangiriia,
N na bon tiringiia ni kabane.
Te Kauring Nakoia Kaain Iteraera17Iteraera, ko aki ongotaeka nakon Atuau.
Ngkai n nang kairoroingkami b'a kam na tiotio nako
man te botannaomata teuana nakon te botannaomata teuana.
Who We AreWhat We EelieveWhat We Do
2025 by iamachristian.org,Inc All rights reserved.
