1Ngke a ua kaan ma Ierutarem ao kaawa ake Beteb'ake ma Betania, ngke a mena n te maunga are Oriweta, ao Iesu E kanakoia uoman ana reirei b'a a na ri moa;
2ao E taku nako ia, “Naako n te kawa ane i m'aimi. Ngkana kam roko iai, ao ane kam na kunea te aati te teei ae rooaki ae e tuai n tokaraki aona. Kab'araa, ao kairia mai.
3Ngkana e kangai temanna nako imi, E aera ngkai kam karaoa anne, ao kam na kangai, ‘E tangiria te Uea, ao E na manga kaokia n te tai ae waekoa.’ ”
4Ma ngaia are a nako, ao a kunea te aati te teei i tinaniku ae rooaki ma mataroan te auti.
5Ngke a tabe ni kab'araa roon te aati te teei, ao a titirakinaki irouia aomata ake a teitei n ua kaani ma ngaiia, ao a kangai, “E aera ngkai kam kab'ara te aati te teei?”
6A kaeka n ai aron tuangaia iroun Iesu, ao a kanakoaki irouia aomata akekei.
7A kaira te aati te teei nakon Iesu; a katokai kunnikaia i aona, ao E toka Iesu i aona.
8Ao aomata aika m'aiti a taakini kunnikaiia i nanon te kawai, ao tem'angina a korei m'angani kaai man te tawaana ao a kawenei n te kawai.
9A takarua te koraki ake a ri moan Iesu ao ake a ri mwina ni kangai, “E na neboaki te Atua! Te Atua, kakab'aia Teuae nako mai n aran te Uea!
10Te Atua, kakab'aia rokon uean te uea are Tawita, are tamara! E na neboaki te Atua!”
11E roko Iesu i Ierutarem, ao E rin n te um'antabu, ao E taratarai b'aai nako. Ngkae e a b'akanako te tai b'a e a kani bong, ao E nako Iesu ma ana reirei ake tengauni ma uoman nako Betania.
Te Biku ae akea Uaana(Mataio 21.18-19)12N te bong are i mwina, ngke a tabe n nakonako i aoni kawaia n oki mai Betania, ao E taonaki n te baki Iesu.
13E nora mai kiraroa te kai ae te biku b'a a maiu reirei baana. Ma ngaia are E nako iai b'a E kan nori uaana. Ma ngke E roko iai, ao akea te b'ai ae E noria b'a ti baana, i bukina b'a e tuai n roko aia tai n uaa kaai aika biku.
14Ao E taku Iesu nakon te kai arei, “Akea te aomata ae na manga kana uaam ma ngkai ao nakon taai rimwi.” A ongo b'anaana ana reirei.
E Nako n te Um'antabu Iesu(Mataio 21.12-17; Ruka 19.45-48; Ioa 2.13-22)15Ngke a roko i Ierutarem, ao E nako n te um'antabu Iesu ao E kakionakoia aomata ake a bob'ai ma ake a kabo nako b'aai. E karangai aia taibora taan rai m'ane, ma aia kai n tekateka taani kabo nako bitin;
16ao E tukiia aomata b'a a na akea temanna ae na uota te b'ai teuana ri nanon te um'antabu.
17E reireiia ngkanne aomata ao E taku nako ia, “E koreaki n te B'aib'ara ana taeka te Atua ae kangai, ‘E na atongaki au um'antabu b'a te tabo n tataro i bukiia aomata nako.’ Ma kam a tia ni karaoia b'a neia ni maeka taani kimoa!”
18A ongo taekan aei ibonga ake mataniwi ma taani koroboki; ma ngaia are a ukoukora te anga are a na kamatea iai Iesu. A makua, i bukina ngke a mimi aomata n ana reirei.
19E kitana te kawa Iesu ma ana reirei ngke e a tairiki.
Te Reirei ae Reke man te Kai ae te Biku(Mataio 21.20-22)20Ngke e moa n ingabong n te bong are i mwina, ngke a nakonako i nanon te kawai, ao a nora te kai are te biku b'a e rai mai taberana nakoni wakaana.
21E oki ana ururing Betero, ao e taku nakon Iesu, “Te Tia Reirei, te kai are te biku are Ko taetae ni kamaraiaa, e a mate!”
22E kaekaia Iesu ao E taku, “Kam na onimakina te Atua.
23
26Ma ngkana kam aki kab'arai buure, ao E na aki kab'arai ami bure Tamami are i karawa.”
Te Titiraki i bukini M'aakan Iesu(Mataio 21.23-27; Ruka 20.1-8)27A manga roko i Ierutarem. Ngke E nakonako Iesu i nanon te um'antabu, ao a nako Ina ibonga ake mataniwi ma taani koroboki ma unimm'aane,
28ao a taku nako Ina, “Te m'aaka ra ae Ko karaoi iai baikai? Ke antai ae anganiko te m'aaka aei b'a Ko na karaoi baikai?”
29E kaekaia Iesu ao E taku, “N na titirakiningkami! Kam na kaekaa, ao Ngai N na tuangngkami b'a te m'aaka ra ae I karaoi iai baikai.
30Mai karawa ana b'abetito Ioane ke mairouia aomata?
31A kauntaeka i rouia ao a taku, “Ngkana ti kangai, Mai karawa, ao ane E na kangai, E aera b'a kam aki onimakinna?
32Ma ngkana ti kangai, Mairouia aomata, ao a makuia aomata, b'a a taku b'a Ioane bon te burabeti ni koaua.”
33Ma ngaia are a taku nako Ina, “Ti aki ataia.”
E taku Iesu nako ia, “I aki kona naba n tuangngkami b'a te m'aaka ra ae I karaoi iai baikai.”
Who We AreWhat We EelieveWhat We Do
2025 by iamachristian.org,Inc All rights reserved.
