1Bon te kauoman n aomata Tora ni kamaiua Iteraera. Bon kaain te baronga ngaia are Itaakara, ma e maeka i Tiamira, te kaawa teuana n te aba are tabukibuki i Eberaim. Aran tamana bon Bua, ao tibuna bon Toto.
2Bon te tia kairiiri Tora i aon Iteraera i nanon 23 te ririki, ao e mate, ao e taunaki i Tiamira.
Iaira3Ao te tia kairiiri are i mwiina bon Iaira, are e maeka i Kireata. E kairiiri i nanon 22 te ririki.
4Bon iai natina m'aane aika 30 m'aitiia, ao a bane n toa ma aia aati aika ataei ao a taua taekan te kaawa teuana i Kireata.
5Ao ngke a mate, ao e taunaki n te kaawa are Kamon.
Aki Ongotaekaia Kaain Iteraera6I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.
7Ao E un te UEA irouia Iteraera ao E iangoia b'a E na kanakoia kaain Biritia ma kaain Ammon b'a a na kataenikaiia.
8Ma ngaia are, ni bon te ririki naba are e mate iai Iaira, ao a buakanaki Iteraera irouia botannaomata aika uoua aikai. A karaoa aia m'akuri ae moan te buakaka i nanon 18 te ririki kaain Ammon nakoia Iteraera ake a maeka i Kireata, n te aono are i mainikun te Karaanga are te Ioretan are b'ainaki ngkoa irouia kaain Amora.
9A moana m'anangaia kaain Ammon i nanon te Ioretan ma n buakaniia kaain te baronga are Iuta, Beniamin, ao Eberaim. A rangi n taonaki n te kaangaanga Iteraera.
10Ao a bubutiia te UEA buokaia ao a raraoma nakoina ni kaangai, Ti a tia n aki kakaonimaki nakoim. Ti a tia ni katoka taromauriam ma n taromauriia Bara.
11-12Ao E taku te UEA:
I buokingkami ngkoa n taai aika b'akanako ngke kam tangira buokami mairou. I kamaiungkami n te tai teuana ma teuana mai rouia kaain Aikubita, kaain Amora, kaain Ammon, kaain Biritia, kaain Titon, kaain Amareka, ao kaain Maon.
13-14Ma N nang aki manga kamaiungkami riki. Kam a tia ni kiitanai ma n taromauriia atua riki tabeman. Ngkana iai ami kaangaanga ae ab'ab'aki, ao nakoia ni butiia buokami.
15Ao a taku Iteraera, Ti bon aki kakaonimaki, ma ngaia are, ngkana Ko na katuaaira, ao katuaaira, ma ti butiiko b'a Ko na kamaiura mai rouia kaain Ammon.
16Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.
Buakanakin Kireata Irouia Kaain Ammon17Ao a bootia aia tautia taan tautaeka i Ammon ao a kairiia nako Kireata, ao a katei aia autinrianna iai.
Ao a bootaki Iteraera i Mitib'a ao a katea aia autinrianna ikekei.
18Ao a titirakiniia i bon irouia taani kairiiri i Kireata ao a kaangai, “Antai ae kona ni kaira buakanakiia kaain Ammon?” Ao a boraoi n aia iango ao a taku, “Ngkana ti kona ni kakaaea temanna ae na kaira te buaka, ao ti na karikia b'a te tia tautaeka i aon Kireata.”
Who We AreWhat We EelieveWhat We Do
2025 by iamachristian.org,Inc All rights reserved.
