1Kam na anenea te anene ae boou nakon te UEA!
Kam na anene nakon te UEA,
ngkami aika kaain aonnaba ni kabaneingkami!
2Kam na anene nakon te UEA, n neboia;
Kam na katanoata n te bong ae koraki taekani kamaiuan te aba i rouna.
3Katanoata kakannatona nakoia botannaomata ni kabaneia,
ao ana m'akuri aika kamimii nakoia aomata nako.
4B'a E kakannato te UEA, ao E riai n rangi ni kamoamoaki;
E na makaki riki nakoia anti ni kabaneia.
5Bouananti antiia botannaomata nako,
ma E karika karawa te UEA.
6Iai te karineaki ma te mimitong i Rouna,
Ao te korakora ma te tamaroa n ana Tembora ae Tabu.
7Kam na kamoamoa te UEA, ngkami aomata nako i aonnaba;
Kamoamoa mimitongina ma korakorana.
8Angan te UEA te neboaki ae riai nakon Arana;
Uota mai te karea nako nanon ana Tembora.
9Bobaraaki i m'ain te Atua ae Tabu ngkana E kaoti;
Kam na karinanoingkami i matana, ngkami kaain aonnaba ni kabane!
10Kam na kaangai nakoia botannaomata nako, “E uea te Atua!
E tei n nene ni nena aonnaba n aki kona ni kam'aingaki;
E na motiki taekaia botannaomata ma te eti.”
11E na kim'areirei karawa ao e na kukurei aonnaba!
E na rurunga marawa, ma kanoana;
12A na kakatonga aaba aika unikaki, ma b'aai ni kabane ake i nanona!
A na takaakaa ni kim'areirei kaai n te buakonikai
13Ngkana E roko te UEA n taua taekan aonnaba.
E na tautaekaniia aomata nako i aonnaba
n te eti ma te aki nanonano.
Who We AreWhat We EelieveWhat We Do
2025 by iamachristian.org,Inc All rights reserved.
